今日係復活節假既第一日，開心
係因為約咗F.3班人去西九食壽司+溜冰
本來係新年假出去架，點知就到復活節假先出到
朝早出去，8個人一齊撘西鐵出去
出到公西九都未到11點，就成班走咗上去最高層個樂園玩啦
仲入埋個機舖囉，第一次玩街機太鼓囉
街機真係唔識打，連pass都唔得
之後等齊一就去食壽司
12位用咗佢張大枱
落咗咁多次單都係唔夠食囉
食完就去溜冰，有2個走咗，得番10個人
原來今日情侶有優惠囉
我地10個係9男1女
諗住男同男扮情侶入去啦，點知唔得，無奈
我今次係第二次溜冰呀
試吓試吓都算識溜小小啦，算係初哥啦
不過係洗冰之後多咗好多學行人仕，係d邊到圍住黎行
好彩我識溜少少姐，如果唔係就要同佢地爭住d邊黎學
玩到四點幾，溜冰真係好玩
再之後入去番機舖囉，再行黃金就番屋企啦
今日真係最近裏面開心既一日囉
前幾個星期真係冇野開心過囉
但係今日真係可以笑得出，唔係係人面前扮笑果d
要多謝今日一齊出黎玩班F.3啦
特別是多謝佩汶呀，得佢一個女仔都肯出黎
仲有青上啦，可以睇住d時間令到人地唔會遲番屋企，真係計劃週詳
最後就係同黃維講生日快樂啦
| 
