今日番到學校真係有些少唔開心呀
因為其他實習老師唔等埋我就走咗上去
留低咗我個袋係到冇人埋，仲要係知道我去簽到好快番囉
女仔佢地就等，我就唔等，鬼叫天生我唔係女仔咩
之後仲過份，係頭兩堂我上堂既時候佢地5個一齊玩大富翁囉
不過對於我黎講只係有些少唔開心姐
忍耐一下啦，忍耐兩個月啦
既然個天要留我係到，我就唯有忍耐d兩個月啦
放心啦，我唔會有事既
因為我有我既理想，我有我既目標
我會為咗目標同理想而忍耐而努力
放學之後一個人行咗去置樂
諗住買蠟筆小新，點知俾我搵到金田一
我搵咗新版金田一好耐架啦，終於俾我搵到啦
講完價之後就買咗五本金田一同一本小新啦
之後再行柏麗同埋屯市
夜晚同人吹金田一水，估唔到俾我搵到一個同一樣咁鐘意金田一既人喎
到而家我已經睇咗一個故事啦「不動高中殺人事件」
講一段師生戀，真係感人，同時都真係好悲慘
你地有冇人都係鐘意金田一同蠟筆小新架？
咁就可以一齊吹吓水啦
| 
