今個暑假真係好頹廢+好咀喪+等了又等
每一日都係生活在唉聲歎氣之中

今日去咗深水埗一間中學interview
感覺麻麻地，因為只係校長一個見我，係單對單
感覺掛係因為唔係一個本科數學人黎in我
成個interview都根本睇唔到我有咩實力
我既長處係數學本科既學識身上，教學教設計等
去咗咁多次interview都冇一次係考我數學
如果係考我數學方面既知識根本冇問題
我攞張教授黎睇堂既評分紙佢睇，佢望都冇望眼囉
其實我覺得佢好唔尊重我囉，連身為校長咁都唔尊重人
既然我已經盡咗力，都未收到效果，只當間學校唔岩我啦

所以如果科主任黎in我，同淨係得校長黎in我根本係兩回事
我真係唔知就咁係到爹幾句，可以知道d申請者有d咩實力
咁就可以解釋得到點解我個同學搵到而我搵唔到啦
佢既數學知識水平都唔夠好，上堂教錯學生，連學生指出佢錯佢都唔理
就係因為interview根本唔考申請者既實力
只係睇吓佢地識唔識得吹水，吹水能力夠唔夠，呃唔呃到人
唔怪得之香港學生既數學能力不斷退步啦
因為學校請人唔係請有實力既人，係請d識得吹噓既人
但係我就唔係依d咁既人

所以而家，依個暑假都係等啦
要等有amazing既事情發生至得啦

Amazing, amazing, amazing, what is amazing happens in this summer?

依幾日都好辛苦呀，辛苦係有3件事
最主要既都係關於妳
依半年同妳都冇乜聯絡，最近d個幾月值情係冇搵過妳
妳知唔知我好辛苦呀？
以前實習係因為忙就可以唔諗妳d野
實習果陣又要教班，又要交論文，忙就可以唔諗其他野
但係而家就唔可以啦
學校又未搵到，只係每天都懷著希望，但希望還未有成真
而我個同學就搵到啦
我成績又好過佢，數學知識又多過佢，對教育既心又多過佢
努力又努力過佢，積極又積極過佢
但是只是佢搵學校搵得我早姐
有好多野都係冇得解，只是時勢不利我，利他姐
而他就可以輕輕鬆鬆放暑假，而我就每天都接受失敗的現實

可能真係天意弄人啦，晚夜發夢都會發到妳
還記得之前有8次受到惡魔的折磨，每次結果都是在痛哭，妳知道嗎？
我可以做到的是放手，不再影響你的生活
但係我自問唔可以放低妳，就算隔咗一段時間都唔可以
上年又係咁，今年又係咁
諗番上年我有冇後悔當時照顧過妳，令到自己而家咁辛苦呢？
但係我知道當時真係幫到妳，除咗幫到妳考試之外，仲幫到妳決定咗一樣好重要既野
所以我係唔會後悔既，我就係咁架啦，如果可以幫到人的話，就會唔理自己架啦
就算而家咁辛苦，我都會諗起我曾經做過一d好事
有好多野都係整定既，整定我上年咁樣幫你，整定你今年咁樣對我
每樣野都有個時限，你同意嗎？
我係朋友就親身體到得到
朋友──我的時限是一次，一次之後就結束了
還好，可以令我自己更加清楚自己
還有家庭問題，總知而家就多多多多多野樣啦

不過我今年同時學識咗3樣野
第一係我學識咗唔再問點解，因為我知道有好多野都係冇得解既
如果再去問點解，不但搵不到答案的同時，仲會令到自己更加唔開心
第二係我學識咗笑，無論自己係唔係開心，總會掛著一幅笑臉
第三係我學識咗等耐，等耐自己夢想實現的一天，等耐有晴朗明天，等耐屬於自己的事勢的一天