琴日係開學日，夜晚忙到死
今日打番blog
放完假番黎我開心咗好多呀
可能係因為放假玩咗好多，豪使咗既關係
放咗學同人傾今日既課堂，傾咗個半鐘
結果份教案是大改，有七成都要改
今日教授早咗少少黎，結果我地3個數學實習老師都俾佢閙囉
都有佢既道理，不過要求有小小過份嚴格
個教授第2堂睇F.4理科班
結果個實習老師同我講番話個教授係到閙佢班學生
內容是這樣的：「你地F.4啦，唔係四年級呀，醒d先得架」
我聽到好驚囉，理科班都閙，咁我班文科班咪...
不過驚都冇用啦，順其自然啦
lunch之後兩堂係睇我教F.4
佢地全班都好合作好幫手囉
冇訓著、冇傾計、好留心、肯做數，我叫佢地出黎都肯出
佢地之前都未試過咁專心，咁肯幫手囉
兩堂就好順利咁樣過咗啦
結果個教授竟然會讚我果班囉
內容是這樣的：「今日你地都幾得，希望下次黎你地會再得d」
我好開心呀，個教授讚我果班
落堂之後個教授同我講番有d咩問題
雖然佢係俾我credit，同埋冇一個細項係俾distinction
但係係我心目中，已經係distinction咗啦
係到真係要多謝班學生咁幫手呀
錫曬S.4D of SMSS
最後一提係對F.2B講既
對唔住呀
因為要準備F.4既睇堂，所以冇乜準備過今日你地果2堂
又係到閙人，又係到hea時間
真係唔好意思呀
聽日到有人黎睇你地堂啦
我今晚會好好準備架啦
| 
