今日係最後一次有教授黎睇堂囉，都係睇F.4
第5、6堂上F.2，幾日冇見過佢地囉
派測驗卷，測得好或者有進步都有印仔
我同佢地講儲到3個印仔就請佢地落去小食部食野
咁佢地即刻講：「咁快d測多d啦阿sir」
哈哈，鼓勵到佢地學好d攞高d分啦

lunch番黎就到教授睇我堂啦
都係有d緊張
不過我都好放心，因為我知道班學生會聽話幫我手既
佢地雖然係有d傾計，不過大至上表現都唔錯幾好
但係發生咗d嚇人事件囉
個教授係上緊堂既時候拍枱大聲閙d同學，內容是這樣的
「你地幾個企係身，叫咩名呀？大聲d，聽唔到呀」
嚇到全班學生都呆咗
之後再繼續上堂，個教授有事要走先
佢走咗之後，我都同番d同學講
個教授係咁架，我之前上佢堂佢都係咁火的
我仲問番被佢閙d同學添，問佢地有冇事
好彩佢地都冇咩唔開心，冇記係心姐
個教授都俾咗credit我
落堂之後我仲同我d學生一齊分享教授俾我張評分紙
一齊係到吹水閒聊，哈哈

幾日冇打blog啦，講番依個星期發生既野先
上個星期趕完d功課，輕鬆咗少少
今個星期開始帶飯番學校食lunch，咁就可以同學生一齊食啦，哈哈
不過今個星期就有人黎睇堂啦，又準備咗成個星期
日日都忙到死，每日只係訓得6個鐘，連買糖既時間都冇
黎睇堂果個教授都唔係本科既人，我都唔係好清楚佢既要求
所以我同佢d意見上有不少衝突
佢就鐘意用電腦整powerpoint，不過我覺得數學堂又唔一定需要
黎睇堂既仲有一個正職數學老師，我同佢討論就好好多啦
今日黎睇堂，班F.4都好乖呀，冇聽計呀
不過佢地就呆滯咗少少，我問問題都冇人答，搞到有dead air既出現
最衰就係個教授只係睇一堂就走咗囉，我諗住佢黎睇兩堂架嘛
不過佢走咗之後大家就輕鬆咗好多啦，未嘗唔係一件好事
落堂之後同個教授傾番，完來佢都覺得唔錯喎
佢仲有讚我添，佢話頭先都係一堂成功既課堂
佢俾咗個credit我呀，不過其實我覺得自己今日既表現唔係太好，只屬pass
佢俾credit我都好開心啦，已經上咗岸啦
因為頭兩黎睇堂都係credit，第三次就算只係pass都唔會影響到個成績啦
而家又可以鬆一鬆啦，放咗學之後去咗睇戲呀
好耐冇睇過戲啦，好爆笑好開心呀

下星期又有本科既教授黎睇堂啦，我要好好準備呀
雖然個成績唔重要，但係我都好重視佢俾我既意見
因為我都希望將來會做好d教得好d，希望d學生得益大d