前兩日我有個同學問我你驚唔驚搵唔到教席
我答佢話其實我預咗係搵唔到，好多野唔由自己控制架
但係我都會努力做好自己，爭取好每個機會
至於最後可唔可以得到，就唔到自己控制啦
雖然我預咗搵唔到，但係我依然會抱有希望
因為人生存總要有希望
又有一次傾到每件事總會有個限期
我同意一部分，因為朋友就係一個好好既例子啦
當身邊既朋友拍拖結婚有自己既家庭既時候
就會好自然咁樣疏遠自己
最後就只會淨番自己一個
有一晚有個fd問我
如果做d野會令到人開心，但係自己唔開心的話，你仲會唔會做呀?
真係一針見血講出我心底話呀
我一直覺得只要可以幫到人，只要令到人開心，我就會去做
只不過我一直都唔去想我自己係開心定係唔開心
可能因為我唔敢去諗，一諗就會唔開心
見到身邊既人一個個都開心，又只淨番我自己一個獨自承受
我面上經常掛著笑話只是希望身邊既人可以笑多d
但係並唔代表我開心的
其實依段實習期真係好辛苦呀
又要準備課堂，又要交功課
一交就要幾千字既論文
而家仲病埋添，都唔知點算囉
| 
