今日係實習既最後一日
朝早F.2有兩堂，不過唔係我上，我上去睇吓幫吓手姐
小息就繼續影相，影到小息完都未影完
lunch出咗去食，番到學校又影相
下午上F.4兩堂，係到做past paper
之後就派糖一齊食
不過俾F.4發現咗我大細超囉
話F.2有包包做禮物，而佢地淨係得糖
原來係因為有對姐弟所以俾佢發現咗囉
家姐係F.4，細佬係F.2，兩個我都有教，真係失察
落堂又係影相，之後再落F.2班影
放學拾埋d野又搵人影
最後我地6個實習老師係5樓到一齊影
大家都係到扮補習天王囉，勁搞笑
放咗大家就一齊去咗元朗食葡國野

d相已經係相簿啦，你地去睇啦

今日係上F.2既最後一日啦
本來聽日仲有兩堂的，不過因為我果部份教曬
所以聽日就俾埋原任老師啦
今日講埋最後果一部份
講完就做數
做得快做完既就可以揀禮物
哈哈，我買咗25份禮物呀，因為佢地班有25人
我琴日仲放學之後出咗去旺角買添呀
雖然有d辛苦，放學仲要撘車出去買
不過見佢地今日咁開心，點都值啦
揀完禮物之後就一齊影相啦

以下就係我買俾佢地既禮物包包啦

而同學生影d相就係相簿，你地去睇吓啦

前日同d正職老師一齊食飯，叫咗大雞，話慶祝一定要食大雞
你知唔知點解呢？
係因為大雞的普通話音似大吉，所以就大吉大利啦
今日同校長食飯，講到inteview 老師d野
原來除咗睇個申請者有冇實力之外，仲要睇佢適唔適合間學校
所以我就更加要等啦，等一間適合我既學校呀

聽日就係last day啦，要開開心心笑住咁完結實習呀