日誌 - QOOZA BLOG 網上日誌

chan_sir : 個人主頁 - 相簿 - 訂閱 [ QOOZA - 論壇 - 登入 ]

chan_sir

暱稱：暱稱
性別：男
國家：香港
地區：屯門區

最新文章

•	明白了 - 胡鴻鈞及本...
•	2014-06-15
•	2014-05-26
•	2013-11-15
•	2012-08-25

訪客留言

最近三個月尚無任何留言

每月文章

•	2020 年 06 月 (1)
•	2014 年 06 月 (1)
•	2014 年 05 月 (1)
•	2013 年 11 月 (1)
•	2012 年 08 月 (1)
•	2012 年 01 月 (1)

最近訪客

最近沒有訪客

日誌統計

文章總數： 115

留言總數： 679

今日人氣： 7

累積人氣： 7921

2010 年 12 月 5 日星期日

2010-12-05	分類: 未分類
琴日係教師發展日，學校請咗2個嘉賓黎講2個唔同既講座朝早果個好有意思，令到我諗咗好多野，令到我自己反思咗好多我係學校已經3個月啦，個心不其然同其他學校作出比較同自己讀果間啦，同埋同d兩年自己接觸過既學校比較聽完個嘉賓講之後，比較個感覺就更加大諗番自己學校，不其然會有d心酸既感覺心酸係因為知道學校有好多問題，好多制度需要更改變，但係我個人又冇能為力聽到嘉賓講佢自己間學校，真係令我好善慕佢地做到好多野，但係我地學校係做唔到既佢地學校做咗好多德育既教育，仲做得好好令我明白到，學校在教導學生既學術知識外，德育既個人品格發展都好重要回眼望番自己學校，大圍既情況我改變唔到唯一可以做既，就只係自己班裏面改變眼見自己果班漸漸變差既時候，應該要做番小小野我知道依個係一條艱辛既道路，但我係想嘗試既第一樣野我想佢地每個學生都可以付出，為著全班付出每個人都做好自己，準備好集隊，準備好上堂，交齊功課「為整體的付出，是自己的收穫」我會嘗試令佢地明白到，付出之後會帶來d咩既好處同時我亦會從獎勵方面入手，希望佢地可以做好d 我唔知得唔得架，不過我會嘗試，希望得啦
發表時間：2010-12-05 01:27 AM [ 訪客留言(2) ] [ 編輯日誌 ] [ 分享至FACEBOOK ]

2010 年 11 月 14 日星期日

2010-11-14	分類: 未分類
一個星期的「綜合學習週」已經結束了，是一整個星期都唔使上課，是到各個地方參觀、活動同旅行等這個活動我是非常的欣賞，可以提供機會俾學生出外學習，又可以俾老師唔係淨係忙於學校內工作依個係其他學校冇，而我覺得需要增加既環節而我頭2日就跟咗其他班去濕地公園同埋衛生教育展覽及資料中心雖然其他班一個人我都唔識，但係去吓其他地方都唔錯星期四至六就跟自己班去一個三日兩夜既訓練營將佢地全部人交曬俾導師訓練，而我既角色只係觀察同拍照等我分享吓每一個細節啦：第一日入到營聽一個中個解放軍既講座唔錯，可以了解我國既軍備資訊，但係因為講普通話，唔係個個聽得明之後就由解放軍黎教步操但係解放軍對學生唔夠嚴，唔似一個專業既團隊步操完到食生果環節，食雪梨，要佢地食到只係淨番個心俾導師檢查到咗煮食環節，要佢地分組準備自己既午餐，要學習煮食，之後仲要佢地食曬，要珍惜食物晏就就到歷奇活動，應該好好玩既，但係佢地唔係每一個人都投入，願意付出結果就搞到唔單止冇咁盡興，仲要有人俾中罰，俾原定計劃花多咗好多時間晚飯又係自己煮，夜晚就係團隊活動，最後就返房沖涼訓覺第二日開始有人被罰啦，一個人犯錯就一班人一齊承擔，再有步操訓練早上有行山活動，由上山發到返到營地要三個鐘雖然都幾攰，但係山上d風景又幾靚喎行完山又到煮食環節晏就又係玩歷奇，因為第一日玩得太慢，所以又玩過夜晚有燒烤晚會，因為我掛住食野，所以冇影相到咗第三天，同學離營之前就要幫手清潔所有地方啦最後就係終極挑戰，都係歷奇之一要抬高一個人，錫錫巴斯光年成個中一級係分咗兩組黎進行依個訓練營第一組個情況好好多，學生玩得開心好多而我地第二組就差好遠，學生只係覺得辛苦同悶經由我觀察到佢地三日既表現，作出一d當中失敗既原因：有絕大部分都係學生自己本身既問題，而導師未能嚴格執行都算係一個原因最主要係學生唔夠成熟、定力唔夠、專注度不足等要佢地立定企好，唔到一陣就有人係到郁身郁世、搞隔果個咁燒野食果陣又攞曬人地燒緊既野食玩歷奇果陣又唔肯付出，做好自己幫助每一位同學搞到玩咗好耐，連第一組玩得好開心既一個活動都冇玩到，因為佢地唔合作玩得慢既關係CUT咗仲有既就係平時冇捱過苦，平時屋企人乜都幫佢地準備曬所以搞到連拖地，掃地都出現好大問題就連摺被，拾袋都冇辦法去完成而導師方面都未算係一個完善既訓練系統有好多次都冇執行到懲罰，所以搞到第二日開始我地落埋場去閙人罰人，因為實在太睇唔過眼啦佢地既罰則亦都太輕，遲到一分鐘都只係罰係一下掌上壓遲十分鐘都只係罰到十下，俾我係學生我都唔會記緊要準時啦，都只不過係罰幾下姐同埋根本唔係每個一都做得好，有部分同學做掌上壓只係得個樣，而導師都冇捉得緊總括而言，依個訓練營係好，當每一個人肯付出都做好自己本身的話所以我覺得如果今天來的學生再成長多二年的話，效果會比今天的分別很大
發表時間：2010-11-14 10:58 PM [ 訪客留言(3) ] [ 編輯日誌 ] [ 分享至FACEBOOK ]

« | 6 | 7 | 8 | 9 | 10 | 11 | 12 | 13 | 14 | 15 | ... | 58 | »