今日係最後一日嘅考試,要考嘅科目係數學同埋中文聆聽。數學係我最弱嘅一科,所以擔心能不能過關。
今朝一起身,發覺頭有點暈,我向媽講了,佢馬上為我探熱,一分過後,結果係101度,這表示已經有點發燒了。但我只覺得有點頭暈,並沒有其他異狀,所以我堅持要呀媽俾我返學,考埋最後個兩場試。呀媽終於心軟,但成日話我會影響水準之類個d話,最後,我拿起書包返學了。
行完六層樓梯後,我覺得有點喘氣,這並唔係平時應有嘅反應,可能係有點發燒吧。當我踏入課室後,我拿起書本,準備溫習,但即時發現個頭好暈,我伏在書桌一陣,然後即時好返好多,然後先溫習。
我地溫咗冇幾耐後,監考老師就嚟,跟着,佢就開始派卷,當我打開試卷後,無數條數學試題在眼前一亮,打鐘後,我開始振筆疾書。
當鐘聲響起時,我放下鉛筆,再次看看有冇寫漏名,然後把試卷傳出去。
小息時,同學都係到討論啱啱數學考試嘅答案,我冇加入佢地,因為我知道我有幾題錯咗,有一個高材生過嚟問我第二頁第三題的答案,我馬上推開佢,借尿遁。
當第二場考試(中文聆聽)的監考老師來到時,我們急忙把紙張放進書包裏,然後攞文具,準備進行我地嘅中文聆聽考試。
老師派卷時,我暗暗想,呢次係今次考試最後一次派卷了,考完後,我一定要同朋友狂歡!打鐘了,老師播出聆聽的錄音帶,大家一聽到答案時,都把筆放在紙上開始寫。當一部份完後,我們便要等十分鐘,才能聽下一部份,原因就係呢十分鐘裏面,係俾我地檢查個部份嘅答案。
我苦等了好耐,望著錶,時間一分一秒過去,仲未聽到有任何聲響,最後,錄音帶嘅聲音終於再次響起,於是我地又開始細心聆聽。
做完第二部份後,即係代表全份卷做好晒,我望著錶,離考試時間仲有二十分鐘,只要捱多二十分鐘,一切就完了,我一定要返屋企盡情打機,但係,係呢二十分鐘裏面,我很無聊,其他同學都開始煩躁不安地挪動,鐘聲響起了,大家都歡呼起嚟,我都不禁加入佢地。
一切都完啦,一切都完啦,我終於可以不用溫習,做自已鐘意做嘅野。
