以為考完試,就可以好輕鬆咁,係屋企打機、睇電視,總之做乜都得。但係,呢一個希望,就俾一封要交俾中學嘅自薦信泡湯了。

    呀媽無時無刻都叫我上網睇間間中學嘅資料,睇到我眼都花埋。每間中學都極力話自己好,但根據同學同老師嘅描述,有一間你一出到校門就會俾人打死,更有d中學你要打著把刀去做武器,自衛自己。

    當我同呀媽講想話休息一下,睇一個鐘頭電視或者打十五分鐘機,耳仔聽到嘅,都係以下用高分貝喊出嚟嘅叫聲:

   「衰仔!而家叫你搵中學,你就去打機,你知唔知!如果你選咗一間唔好嘅中學,以後就冇前途架啦!!! $^%$」

     我睇咗好耐,最後終於選咗兩間應該合適嘅中學,我同呀媽講咗係邊間中學後,以為可以完成差事,可以鬆下,點知......

     呀媽要我寫自薦信呀!!!雖然我知道個格式係點樣,但係要打一封自薦信,要花幾世嘅時間呀!咁我呢個週末咪.....

     天呀!!!!!!!!!!!!!!!!!!!!!!!!!!!!!!!!!!!