我發覺,原來我做人既生活模式就係"hea 2日,累5日",有D時候仲唔可以hea 2日,因為要溫書,or要做hw等等啦,總之令我hea唔到既全部都係因為學校有野做架喇!

  但係有時我都會諗,到底hea 2日,係咪真係冇咩意義呢?番學要番5日,辛辛苦苦的日日都要6:30 a.m.起身,之後行15-20分鐘去MTR station,其實又為左D咩呢??

  我完全冇諗過呢個問題...係有一次林sir問起我地全班,我先開始思考下呢個問題...點解我日日都要日曬雨淋咁番學呢?

  就係因為讀書?唔係,我可以好肯定咁講,我唔係為左讀書而去番學,我係為左朋友?好似又唔係..為左有一段戀愛??一定唔係啦,我校D男仔"好"到咁...

  真係hea到冇野做,竟然諗呢D問題!可能有人會咁話我架,但係我唔覺得呢個問題無聊wo,你咁叻既你話我知囉,又睇下你答唔答到!?

  今日全日都冇野做啊,都係玩下FB,上一上MSN,咁就過左一日,聽日又要番學,又要辛苦5日喇~但係..冇所謂啦,可以見到班好朋友,同佢地講下笑,好容易就可以過一日 =]