我一向都唔信中國人成日講既迷信野的,話咩...總之咩都搵神幫下手,守護下要幫忙既人,咁果個人就會有福架喇

  但原來係真的。

  呢幾日我都為左狗狗既事擔心,所以呢幾日我臨訓之前都會做一樣野,就係祈禱,而每次我都只希望一樣野,就係神令狗狗隻腳行得番,我每晚都祈左5分鐘,希望神會聽到

  估唔到,神真係有聽到我既禱告.......

  今日都係一樣咁過,同D fd傾下計,食飯,再傾計就過左一日,依家放學我第一時間會做既就係打比老媽子,問下老媽子狗狗既情況,今日,出乎意料之外,老媽子竟然話個醫生同佢講佢幫狗狗做過檢查,發現狗狗隻腳係有反應的,佢開始有番D feeling,所以行得番既機會好高,我聽到之後真係開心到high左,好想跳起黎,果一刻我個心係度多謝緊神,我多謝佢聽得到我既禱告,仲要係Grammar同語法都錯到離哂大譜既禱詞........

  不過老媽子同我講,狗狗好似嬲左我地,我問佢點解,佢話可能狗狗覺得我地唔要佢,擺左佢係一個咁陌生既地方,加上佢又冇人陪,又驚,我地又唔係時時都陪住佢,所以依家發脾氣

  唉,睇黎我都要好好tum番我呢隻咁可愛既狗狗喇~ =]