今日一早起身就覺得好興奮,因為今日係我第一日上小提琴啊~朝早果陣勁想快D上堂囉~

  點知,一番到去我就覺得自己有D想嘔既感覺..."死喇!唔係今日先黎病啊?!唔好啊!我仲要上小提琴架!!"

  當時既我係咁諗架

  之後我就坐左一陣休息下,30分鐘之後就冇事喇~ "太好喇~唔使早退~可以上小提琴~"

  我初初驚會遲到架,因為林sir次次都講好耐,而且次次都過鐘,點知今日佢冇講太耐,我去到琴行仲早左30分鐘添!果陣我都唔知應該做咩好,最後我決定,我都係做下D hw先~~

  教我小提琴果個miss都算係咁,明明我拉到好似鋸木咁佢都話我拉得唔錯,可能新手就係咁架啦,只係我唔慣姐~

  拉左4首歌,隻手好累,好似做左好耐苦工咁,不過我覺得好好玩~

  我同自己講,就算有幾辛苦都好,都要拉好佢,咁先對得住自己,同埋對得住老豆老媽子~話哂都係洗佢地錢,我點都要有D成績既~何況仲要係我鐘意既呢~

  加油啊~!!!我唔會比一部咁細既小提琴打敗架~!