今日湯青蛙係我係求學生涯正式生物堂裡面GE第一次實驗

雖然初三冇解剖過田雞, 不過對戈套實驗器具尚未算陌生

其實之前興趣科都有試過做蝗蟲標本, 同解剖魚

蝗蟲用乙醚整暈佢, 開胸切腹掏內臟, 又夾又扯, 再用沾滿左90%酒精GE棉花往內塞..過程相當變態

而條魚, 鑑生禁住佢係個蠟盤到, 由泄殖孔附近動手, 一直劃開肚皮, 往上剪以做到開胸效果, 正確啲係剪左長方形出黎, 姐係連骨都剪斷埋, 活生生的起肉起骨..條魚痛到咀都O埋GE時候, 又要渣住把鉸剪.. 將下唇同下顎一分為二, 原因係咩.. 就唔記得左LU, 鰓蓋都要起埋, 要觀察個鰓, 但整左咁耐, 條魚始終都係生

今次隻青蛙..我好慶幸可以比佢死得安安樂樂先比人"玩殘"

唔係話真係玩佢.. 但手法上, 大家都唔係做慣, 始終冇可能做到所謂GE乾淨俐落, 剪完又剪.. 如果生的話.. 一定痛到暈又痛返醒定..

以前睇PANDA姐初3戈陣解剖.. 啲青蛙比人開左胸..痛到手腳不停抽動, 仲係到叫埋... 隻小生命嗌, panda姐都唔執輸生物堂完左, 實驗未完, 要吊住鹽水等啲同學仔返黎繼續向自己揮刀

第一次湯青蛙.. 估唔到隻野.. 咁可愛..... 身材高大威猛, 強而有力, 眼仔66, 活潑好動有精力

雖然話理應係小動物驚人多過人驚佢.. ADA捉住佢戈陣.. 隻野驚到失埋禁..好彩係水槽中招姐  anyway都係好驚佢......"  (囧驚到想嗌阿媽)

捉又唔比人捉.. 訓又唔肯訓, 我終於知道以前托兒所個野做咩鬧我un皮.. 原來唔肯訓教郁黎郁去真係令人好頭痛

最後都係多得max, 哥哥同ada幫手先可以搞得掂佢...    

Orz 同之前魚戈個一樣...  魚戈個.. 全過程我都冇店過條魚.. 但落刀戈個係我..... 戈陣我個拍擋..一定好無奈..

今次我有努力去捉佢..心理障礙真係好大.. 佢唔聽話都冇計..ada唔好意思..辛苦你啦..

雖然隻野死左...比我地整死左, 但都係唔係好敢掂佢, 其中一個唔敢掂ge原因係...

前幾廿秒仲生歐歐, 鬼死咁大隻, 好力氣好精力... 比人格梗吉支針入個頭到轉.. 連個頭都郁埋.. 未能一擊致命的似虐殺般..太殘忍..

最後見佢郁都唔郁.. 死左.....  連個身都扁埋......哎......罪過.. 青蛙你原諒我啦

望都唔再望佢正面一眼, 就抽住佢隻腳釘上蠟盤 (又係我霸住黎操刀啦.口.||  我冇心ga.. 不自覺地咋 sor丫)

不過死左之後..真係唔係太驚.. 罪惡感好快就飛走晒  ( @_@隻野有6舊腹肌)

想當年隻蟲仔同條魚都比我玩到好變態下, 今次隻野..算對佢好..    (戈陣養左倉鼠話要湯ga.. 好慶幸都最後都未得閑整..啲倉鼠仔咁得2)

見到哥哥見啲人咁開心唔太開心, 仲有影相

但我覺得影一影低過程冇咩大問題, 勉勉強強都算係學術上ge紀錄  但只限過程..其他嘛..咳

嘛.. 但對住隻野, 係佢隔離"ye~" 住影.. 我就做唔到啦.. 感覺太怪

啲相就.. 唔post上網啦   慢慢sd/電腦堂先算

最後, 答問題2次都各錯一題, 而解剖過程個人認為頗為失敗, d內臟好似唔太分別.. 仲出血, 沖水戈陣沖埋啲內臟出黎

嘛, 但其實我覺得.. 可以完成到實驗已經好好, 好滿意, 好慶幸可以順利完成..

另, 食肉食得咁開心, 但背後有幾殘忍又有邊個知..  田雞丫田雞.. 你ge死係有意義ga.. 為學術而犧牲, rip