其實今日係堂上見到哥哥咁都大概知咩事, 唔, 哥哥過左黎幫手所以留意到

哥哥見啲人影相唔開心, 但周街影得最開心戈個好似係我..

"換轉一班人腸穿肚爛既話,你地仲會唔會走去影?"

影.. 會影ga, 就算自己唔敢影, 總會有人影,

可以係警察影低案發現場, 可以法醫影低部份屍體狀況, 可以係記者影低為報導, 亦可以係途人影低返去同人講自己遇到過咩事. 個人認為能接受與否, 主要都係睇以咩心態去影.

每個人觀念唔同, 好難講

解剖嘛, 至少我覺得學術上ge解剖都仲可接受, 好似醫科生解剖人屍體咁, 正正經經咁去為學習, 為探討人體結構而去做

不過之前聽聞咁大學啲醫科生都係lo啲骨頭黎玩野, 影鬼馬相

但或者真係自己理解唔到... 畢竟郁手戈係唔係自己, 甚至訓係枱上等住比人笑住殘殺帶住玩ge心態比人湯開戈個唔係自己, 始終覺得影低隻野ok, 純為紀錄. 影埋人認真解剖中嘛.. 算係另一層面ge事, 紀錄有件咁ge事, 紀錄上堂. 其他不予置評.. 但其實我都有份幫人影...

都怪自己冇膽..次次頂多捉到幾廿秒就比佢強烈ge掙扎嚇親... 搞到好心幫我地ge哥哥要feel住佢死..

自己嘛.. 換個角度黎講都可以話賤中賤, 唔乾淨ge野都唔自己親自郁手, 到我再接手戈陣佢都已經半死不活, 但都仲係冇掂過佢. 隻野係因為我地先死得咁辛苦, 為我地犧牲, 尊重係應該, 唔.. 以尊重ge心態去影佢..我覺得ok, 雖然我大半時間都唔係.. 去左影人.

好端端的一個解剖實驗, 到左自己手.. 似乎有少少變左味

想當年, 阿邊個邊個因為一時唔開心.. 無意識下搵中隻小昆蟲出氣, 剪走佢對翼都內疚左咁多年, 自己呢? 最後都仲係忍唔住玩隻野一下

或者或者, 打blog, 打咁多字講咁多野都不過係想暗示自己, 想將事情合理化, 以避過良心嘅譴責