今日係平安夜,唔...夜晚出去好唔好呢???

但如果今晚出,聽日就冇精神再陪你~諗下先!!!

今日係放假第3日,都係咁悶...

日日咁早起身,都唔知有咩搞...呀媽去左旅行,連飯都要自己整~

唔知點解好想快d返學~明明以前唔鐘意,或者變左Lu~

啱啱同牙燕傾完,而家又要悶過,

之後和尚打俾我叫我出去,唔去啦~

唉~放假真係好無聊...

掛你...我要掛屎你啦!!

放假嘅第一日,好悶呀!!

唔知幾時先放完?而家都已經咁,仲有11日,點捱呀??

係屋企乜都做唔到,牙媽又唔俾出街,就更加無聊啦!!!

日日唔通淨係聽歌咩?好厭啦~有邊個打救我牙?

而家都唔知25日出唔出到~希望就得…

如果出唔到,你會唔會嬲嫁??你知你啦,小小野就變表情,我會以為你嬲嫁!

仲有牙,唔準去溝女牙,我會僧屎你嫁!!!

但我而家唔係僧你,而係已經掛住你啦!!!

唉~無聊咁就過左今日...聽日,後日,咁又會點過?點解放假永遠都係放咁耐???

今日好早就要起身啦!!因為今日有Christmas Party,
而我要幫手整野,好早就出左門口Lu~
約左Ada係地鐵等,之後就去惠康買薯片同汽水,咁啱啱有男仔,咪叫佢地拎!!
上到去都已經8點,仲要搬抬,搞晒都夠鐘…
早會之後就上番3A,食野.交換禮物.咁個Party就完~
落去禮堂有野搞,最衰就係抽獎果度,抽極都抽唔到自己班,唉~
抽完放學啦~同Ada,影子,和尚,粟米去唱K,唱到2.30,
之後去食野,食完粟米走左,我同和尚去左Ada屋企,再等埋影子.
Then,去旺中行街,見到翠怡,咁咪一齊行Lo~行完就返屋!!!
今日收到勁多禮物牙!!!多謝晒啵~
我至想得到嘅雖然係金莎,但而家鐘意嘅咪你個Winnie pooh呀!!
今年都算係幾難忘嘅聖誕Party!!!

今日唔知醒,俾Ada個電話糟醒左,
但點知佢都係啱啱先起,仲叫我唔駛等佢,自己先去M記...
但最奇怪嘅係我去到M記竟然係第一個啵!!!
等埋佢地都8點,除左和尚...唔...我估遲到掛...
返到學校都唔見佢...到左禮堂佢先出現,真係遲到啵!!!
今日考科學同埋人民,科學唔識少少,而人民因為唔夠時間,So..唔識..
考完就放學啦~我就去左買銀包俾Gugu,因為佢今日生日,而我唔記得左買,
如果我唔買,佢會唔開心,仲會嬲我,So..一定要買到!!
買完去左食野,食完就啱啱見到Gugu,俾左佢Lo~
之後行左去德褔,又要睇吓買乜聖誕禮物俾佢地,如果唔係又唔肯過我...
發覺送野俾人係好困難嫁!都唔知送乜!!但一定要21日俾到啵!!!
行完之後就返屋企Lu~

今日朝早約左和尚係樓下等,
但我吹左10分鐘北風佢先到~冇流鼻水都有番La~
去到M記坐陣,然後打俾粟米叫佢黎,之後一齊返學!!!
今日考中文,一份識少少,因為唔夠時間做;而份作文就OK仔啦~
考完中文之後俾Miss Wong罰留堂,留完就放得學!!
之後去左食野~食完回家啦!!!乖乖女~
和尚.粟米去左我屋企樓下,話想上我屋企!!!
傻Ga~我阿媽係屋,又點會俾你上呀!!!