今日依然有教統局嘅人黎睇上堂,所以要好早就好排!
但今日八點過少少番到去學校,個袋又重,
點知上到去冇門入,要由五樓落番操場,好撚仆街Lo~
上緊晨讀果時,個人入左黎行,果時係有史以來最靜嘅一刻!!
之後上I.H果陣,有條八婆整唔見左我份測驗卷,搞到我幾樣衰…
之後咪要影印多一份Lo!!!
小息之後上數學堂,Rita果d＄跌左落地,個個貪錢鬼就周圍搵,最後咪俾嚴Sir收左!
跟住Max又拋錢過黎,咪同佢玩一陣,之後就繼續聽書…
差唔多Lunch,難得唔駛罰,咁咪諗吓同Gugu去邊度食,
但Max就嗌我同佢一齊食,我咪諗左一陣,順便問埋Gugu去邊度食?
問Gugu嘅時候,初頭佢唔願意,之後咪又係應承^.^
之後同牙豆同埋Max佢地去左大快活食,
今年第一次去大快活食,咪試吓Lo~點知唔好食Ga,好似"格"夜飯,難食
佢地食食吓係度玩飯,又將d茄汁整落杯紅豆冰度,又玩可樂,好撚變態,傻傻地!!
但就可以話係開心,係發自內心★
食完之後,佢地返學校罰企,我同Gugu就行陣,
落到下面見到白面同Kayi佢地,咪一齊行番上去!
但Gugu有異性冇人性,走左去搵青蛙,衰…衰…
之後又上堂,上三堂,又放學,冇引,今日有少少唔舍得!
幫家姐去增值,增完返歸Lu~
今日yamaha生日,生日快樂!!!
係屋企玩左陣電腦,就去左藍田食飯同接桃太郞返黎,沖埋涼訓喇!!

今日有人黎我地學校睇上堂,
全部人都扮晒蟹咁,有人睇都唔駛咁扮牙??
扮黎咪又係咁,無乜分別格,俾人嘅感覺咪又係一間Band3嘅學校,好無聊Lo~
堂堂都要坐到直一直,又眼訓,扒都冇得扒牙!!!
今日Gugu俾左本簿我,叫我唔好同「充實」玩得咁埋,費是俾某人誤會,
己經做到少少,冇同佢講咁多野,玩咁多,
但毎次俾某人望緊我都係同「充實」玩緊,避都避唔切,好無奈Lo~
仿且每次望佢,又會有驚佢嘅眼神;到佢望番我,我又唔慣,又要驚,好無用=.=”
Gugu話我地有機,乜都冇LA!!佢今日俾第2個女仔約左去食Lunch,
我咪只有陪FD,聽曰又罰,邊有得約佢吖,乜都冇LA!
除非佢聽日又俾人罰,咁就有機!!
問過好多個人,問佢係咪同個女仔拍拖?
但個個都話係女仔一箱情願,我都想係咁,
因為我都中意個男仔,想呢一刻霸住佢!!
而家個個話我中意呢個果個,但冇一個係,
之前係有一個嘅,但我對佢己經心灰,因為冇左感覺,發覺做朋友仲開心!
一步一步行到佢附近,己經心滿意足!
其實愛唔係被觀賞,係需要去實踐,
但個結果係乜已經唔需要,因為我已經實踐左!!

今朝好早起身,諗住7點就出門口,但Gugu就遲左,成7點半先到,
我地去左阿婆度食腸粉,食到八點先搭的士去運動場,都冇遲到,
諗住遲到會威d,但果時仲未集隊,好掃慶!!!
點完名之後上返看台,等埋佢地就坐左去紅社..
啱啱肥峰坐係後面,咪問佢青蛙仲乜野咁嘅樣,
原來佢誤會左Gugu要同佢分手,Hurt得濟姐!!!搞到佢地成日冇講過野!!!
今日嘅比賽有少少悶,不過除左某d例外,例如:男乙嘅比賽…
果d接力比賽好睇牙,綠社嘅人跑得好快,拎到獎添!!(唔只一個)
睇睇吓比賽嘅時候,翠兒無端端望住我話知道我中意邊個??
原來個答案又係某人!都唔明點解個個都係話佢,但其實唔係Lo~
今日講左一個大話,就係Gugu又嗌我講佢知我笠邊個,
果時求奇講左以前嘅比佢知,但我唔想咁Lo~所以Sor…
之後頒獎,綠社拎左啦啦隊同埋全場總冠軍,揚威體壇牙!!!
點完名就走得,但Gugu終於忍唔住,去搵青蛙解釋,點知佢兩個去後梯針,
唔理我,果時勁無奈,好彩牙豆咁啱係附近,吹左一陣水,佢地就走返出黎!
之後行去九龍灣再搭車去旺角唱K,但最後冇去,走去行旺中買衫..
之後行多陣就坐小巴去Gugu屋企,去到坐左一陣白面打黎,佢地傾計我玩電腦,
但條百婆要我做牙四,要我幫佢洗鞋,好衰牙!洗到手都臭晒,慘慘慘!!!
洗完之後返屋企,食完飯之後就沖涼Lu~

今朝俾桃太郎八點就糟醒左,訓唔着,仲好凍添!!!
之後牙爸同牙媽就去左拜山,我呢個衰女梗係冇去喇!!
同家姐係屋企玩電腦,玩玩吓就嗌我落街買雜誌,
而我就至僧放假落街,好撚討厭Lo~
買完上黎咪食個早餐醫醫肚,不過係食零食...
繼續玩電腦同埋聽歌,Gugu俾d歌又幾好聽,聽足全日牙!!?
玩完之後同我細佬睇带,不過又係歌,有少少聽厭,好悶=.=”
聽完都二點,牙爸就啱啱返左黎,佢買左報紙,我就搶左份娛樂睇!!
睇睇吓牙豆打黎叫我幫佢還書,都傻嘅,我一年都冇去一次…
睇完都冇乜野做,係張牀諗諗吓野就訓左覺,訓到五點就醒左Lu~
醒左之後冇耐,Gugu打黎,傾左一陣,又問我中意邊個?
我都話唔會講佢知,成日都問,搞到我好煩,衰人黎嫁!!
夜晚食完飯,就去左沖涼,沖完就又悶過...
九點到,我家姐開套鬼片黎睇,好撚恐佈!!
不過如果同自己條仔睇又唔同,幾恐佈都唔怕,有佢吖嗎!!
聽日陸運會決賽,我知你入到圍,所以我一定支持你!!
加油牙!希望你拎到獎喇!!

今朝同Gugu一齊返學,點知佢竟然約左青蛙係巴士站等,
搞到我好似電燈膽咁,好彩見到減減咋!之後咪一齊行Lo~
上堂喇!今日有三科測驗牙,好慘牙!!!
上物理果陣派左測驗,拎49分,好高分,因為滿分係55分^3^
牙豆拎25分,應該係全班至低,諗住串吓佢,
點知俾裕記串番轉頭,因為佢高過1分=.=”
咁我地咪又笑又互鬧,
但個死人豆竟然話打情罵肖,都痴撚線!!!
小息果時,我諗住叫減減唔駛罰,但點知裕記同牙豆都度...
咪又吹下水,但俾Gugu見到,佢就狂問我係咪中意裕記,最後又問埋佢,
好彩我及時行過,如果唔係見到面又尷尬!!!
今日唔駛罰,同Cugu＆Kayi＆珊珊一齊食吉野家食飯,個白面就跟人走佬,冇義氣!!!
食完之後打左俾青蛙嗌佢過黎,但就俾加福見到,好彩青蛙係Gugu條仔,唔關我事…
到上商業,俾Miss鬧晒全班,話好糟,唔係姐!?
上上下牙豆又話佢一講裕記我就面紅,邊有喎!!我對佢係好自然嫁,我地係FD牙!!!
放學喇!唔需要俾牙豆煩!舒服晒=3=
同左粟米去左打機,打到五點,陪佢返返學校,睇人打藍球,
點知行到麥當勞見到流口水,佢食煙牙!!真係一年見一次,上次係麗晶見到,而今次咪…
返到學校,粟米又話我特登番黎搵max,但唔係牙!!
之後係平台同gugu同粟米一齊傾計,好搞笑...
傾傾傾,傾到六點,佢要走,我同gugu係學校行多陣就走喇!!!
而今晚食Pizza,好正牙!!!
仲有,我而家中意邊個只有一個人知~