放學Lu~可以去Halloween Party,讀左三年,第一次去咋!
唔見Gugu,一定又係去陪仔,又冇得一齊玩,係咁就咪買飛啦!
入到去,冇乜野玩,咪叫人畫手,畫左個骨頭人上去,之後就排隊玩鬼屋.
排左一陣,俾後面d人推撞,屌!
入到去,d人都唔恐佈,又無聊!!咁就行番出黎!!
出到黎,玩d攤位,最後俾白面用唇膏畫到我變成花面貓,佢同Yoyo都係一樣姐!
問佢拎支唇膏玩,一人一半,又分開Lu~
之後無一幸免,個個都俾我畫到鬼五馬六,
特別係粟米,至花就係佢,Max果個就簡單得黎都0K仔!
畫吓畫吓,傻吓傻吓,夠鐘要走啦!
個個話明就咁番屋企,最後咪又係全部洗晒,
洗果時好難洗,洗唔到,整左成半粒鐘,
最後咪又係至花嘅粟米洗唔掂,要我幫佢慢慢整,冇咁花Lu~
走果時Max要拎眼鏡,去到果度個個係度玩野,好似真係唔駛錢咁!
Ada話食富記,冇乜人去,所以去左OK買野飲就番歸Lu~

今日終於俾左封信Gugu,入面寫左好多野,
例如:我地所有嘅承諾,將來嘅願望等…咁樣咪淨係想修補我地嘅關係!!
小息嘅時候,佢係樓梯等人,果刻無論佢等邊個,我都會開心,唔知點解,或者想同佢好番!!
有一個小息俾我同佢傾計,有時唔知講乜,仲會尷尬,都唔知點?
本來仲有多d嘅時間,但青蛙又係面前,發覺係佢破壞我地嘅友誼,唔Like佢!
之後係教員室門口,俾粟米同Max問我拎糖,先記得冇買糖添!
但好彩有人俾過我,有二粒係班房,俾晒Max,一粒都冇Lu~
Lunch果時,都係冇同Gugu食,費是冇野講!!!
結果咪同減減,彤,Vivi,寶寶,Max,裕記,粟米,牙豆去左麥記食,勁正牙!
排左隊好耐,仲要俾Max同裕記打尖,但都算啦!開心咪得Lo~
食食下,唔知牙乜水俾人糟,個個走晒出去睇,番到黎d薯條俾人拾晒,冇得食=.=
之後去左惠康買糖,買左2盒,俾完錢就俾粟米拎左盒走,
咪係咁叫佢交換,但佢先換得果幾粒俾我!!
之後Max開左包棉花糖,又俾我扼左d走,哈…哈…
返到學校,上B.F堂要測驗,唔識測,最後同隔離同後面出貓,個Miss都唔知,唉~
收緊卷果陣,Max又問我扲糖,咪拋過去,佢又拋番佢果d過黎,
一人換一粒,公平!!!放學Lu~

開始覺得同你地嘅關係有d變動,唔再好似以前咁,
各有各喇!丹丹就掛住陪仔,有乜事都係條仔重要d.
Gugu自從同青蛙拍拖之後,成個人變晒,係我哋面前句句粗口,乜都唔Like,
係條仔面前扮晒蟹咁,個樣勁發姣.
我呢?都開始遠離佢地,以前早午晚都一齊,而家…
開始同自己班d人玩得多左,熟左好多,連Lunch都係一齊食,
冇理你地,但冇法吖!而家個個有異性冇人性,雖然我都係,但冇好似你地咁!
有乜都唔再講你地知,曾經我當你地係知己,而家只係朋友,
講真一句,而家唔同你地玩係好左,自己同另外果d玩,開心好多~
但之前同你地重重嘅回憶係無法忘記,我永遠會記得,
特別係Gugu你,你係我最好嘅朋友,同你之間嘅承諾唔會忘記,
唔知你仲記唔記得20年後我同你之間嘅承諾?
唔記得唔緊要,因為你而家可能掛住第2個遣忘左,
但我係唔會忘記,我淨係想好似以前咁五人行,唔知仲有冇可能?
呢個就係我而家嘅願望,我想同你地感情變番以前咁!可以嗎?

今日好凍牙!所以帶左件長冷衫返學,但因為要抄功課,所以搞到好熱~
小息果時因為一袋衫,我同Gugu就嗌交,搞到好咩咁!!
之後上堂Ada話想食Pizza,所以就應承左~
咁Lunch咪同Vivi、Ada同埋牙豆去惠康買左個Pizza同埋可樂,
上左班房食,怪怪地,但個感覺就幾新鮮＆開心!!
之後因為要罰抄,所以食得急左d^3^
上中文果時最樣衰,因為俾牙豆將d塗改液整落個頭度,變白髮婆婆~
憎死佢Lo~冇野揾野黎搞.仆街…
上P.E,諗住上,但丹丹唔上我咪陪佢Lo~
但老黎要做埋果d體能,冇換衫都要做,慘…慘…
跑完9分鐘已經冇力,咁就落堂,換衫,走人!
今日放學唔係再同Gugu一齊走,變左減減Lu~