今日好開心呀!!我由上星期六開始諗今日既節目啦!!

因為家姐今日唔駛返工,所以可以同埋佢一齊出遠D行街睇野呀!!哈哈哈

今日既目的地係[香港動植物公園]^^

今日我特別早少少起左身呀!!前幾日我都係9點左右先起咋(因為太凍,唔想落牀,嘻)

所以就8點半到就起身啦,因為要係早上搞掂哂D野先可以出街^^

又要開機洗衫,爸爸就煎羅白糕,我就煮蝦蟆面!!

食完個早餐都9點半啦,又要浪埋D衫,整整下都差唔多要10點半先出到門口呀!!!

終於出發了,我地去左搭西鐵去尖東站,去到再係尖沙咀行左一陣,睇下野=]

之後又搭地鐵落金鐘,再轉城巴去香港動植物公園,去到都12點幾LU^^

真係好開心,我地好耐都未黎過!!好多路都唔識行啦!!

因為都要行一段斜路先真正到達,但大家都係好開心的!!

我地好快就見到好多動物啦!!有猩猩,仲有其他架,不過我唔係好記得叩咩名呀!!嘻

但我地行左一陣,影左一陣相,家姐爸爸就開始肚餓啦!!個陣大約1點半左右啦!!

所以我地就趕落山,睇下有D咩食,因為大家都唔熟路呀!!

所以都行左好耐先搵到間M記食野咋!!個奐都2點幾LU!

但間M記好逼呀,又熱喎!!但最緊要係醫返個肚,哈哈 

之後我地就四周睇野,冇再上山啦!!

行過中環,上環,西環,總之好多地方都行過呀!!

到左大約6點幾,我地終於行到好攰,唔想再行,但又搵唔岩食肆,所以要不停行,

都行左一段時間先搵到間大家樂,食完野就搭車返屋企啦!!

雖然今日都有DD左滯,但我都好開呀!!下次要有充足準備先得呀!!^^