2021 年 2 月 12 日 星期五  |
2021大年初一  |
分類: 我的心事 |
睇返對上次打日記, 原來都成2年多前了, 突然好多回憶又再一次湧出來
發現當時答應要做的, 好多都沒有做到, 好討厭呀!!!
++++++++++++++++++++++++++++++++++++++++++++++++++++
今天是牛年大年初一, 天氣非常好, 就一定要出去行個圈
(未講返, 我已經有一位男朋友---我的衰人)
本打算可以有機會和他一齊外出行大運, 不過我亦都知道他不會外出
我自己一個去了尖東, 昨晚看了一個地方(訊號山公園), 好似幾靚, 所以打算和他一齊去, 不過始終.........
之後就再去了海港城搵小王子展覽(本打算和他一起去, 但....都不知何時等到, 所以還是自己去吧)
大約4點我已經搭車回家中.. 然後上網睇電視劇,
那就是我今天主要活動。
|
| 2018 年 3 月 5 日 星期一 |
| 將來?? |
分類: 我的第一次 |
很久沒有上來記下自己的事情, 發覺沒什麼途徑可發表, 只能將所有心聲寫在這裡。
昨晚三點左右, 突然睡醒, 想起很多很多事情..................
想到自己將來, 爸爸家姐的將來......
我不知道自己還能做什麼?? 只知道現有工作只能繼續做下去,
朋友不多的我, 之前人們還在讀書時我已經工作, 慢慢就跟中學同學沒什麼聯絡,
我有時真的很討厭自己呀!! 放假只懂跟爸爸在一起, 他是我唯一的依靠.
我想了很多, 我還沒有帶爸爸去旅行, 哪怕是一個很短很短的旅行
我昨晚跟自己說過, 今年, 不是應該是在這幾個月內要和爸爸家姐去玩一下
而且今年是爸爸六十歲大壽, 很想帶他去食自助餐,
哪怕他會跟我說貴, 總要去試一次!!
我不想爸爸什麼都沒去過, 將來更後悔. |
2017 年 1 月 29 日 星期日  |
| 鬱悶的新年 |
分類: 我的心事 |
今日已經係農曆初二啦, 不過每逄新年一樣都唔開心
今日同左爸爸家姐出去尖沙咀行街, 但我的心情真係好差好差
心中有好多好多問題, 但我完全唔知點同人講
我唔知點同爸爸講, 因為我講完佢都唔係好明白, 所以我就決定將所有事都放心上
但原來這樣仲辛苦, 我好希望會有一位明白我的人, 佢會嘗試了解我
但我真係好難相處嗎? 每次認識的人, 明明一開始都有傾有講, 但突然無故消失, 訊息都不再回覆似的
乜連做一個普通朋友的閒談都唔可以嗎????
我認我靜, 我有試過講野架, 但自己真係好慢熱架, 唔係我唔講, 只係要比多D時間去認識我多D姐
其實我好討厭新年!!!!!!!!!!! |
| 2016 年 1 月 1 日 星期五 |
2016年第一天  |
分類: 我與 friends |
2 0 1 6 H A P P Y N E W Y E A R !!
又一年啦!! 今日我好開心呀!! 可以約到阿姍去睇戲: 紀念日
我以為會好多人睇戲, 所以就早d去買飛, 點知我12點45左右去到豪華戲院
我先發現原來仲有超超超多位呀!! 
咁我唔理啦, 我仲以為早, d人未黎買飛啦!! 哈哈
之後我就去左join左阿姍啦!! 佢係旺角A2出口, 但個陣我行左去朗豪坊個邊,
我由C3行返A2出口, 行左超遠呀!! 之後見仲有D時間, 就去左朗豪坊行個圈
我順便去左無印良品買D小食, 點知條隊好長, 都要等5,6個人
買完野都1:45啦! (買左睇1:50個場  ) 之後我地急急腳行返過去, 其實我地都唔係好識路
好在趕到係2點去到, 都係遲左10分鐘姐, 哈哈 (本身可以早DD架, D燈位轉得太慢啦)
不過最恐怖係, 我地入到場, 竟然冇人帶位, 我地要自己摸黑行上去, 真係一步一驚心呀!! 
最後我地發現周圍都冇乜人, 就隨意搵個位坐啦!!
套戲都唔錯呀!! 兩個人相處真係唔簡單, 好多學問呢!! 哈哈
係波, 講返我今年的目標先, 上年仍有目標未做到
我今年仍要努力做運動, 減到得115LB就好啦!! 但我最最希望可以搵到一個可以一齊開開心心的人!!
2016我要加油努力!!
|
| 2015 年 12 月 31 日 星期四 |
| 2015又完結 |
分類: 每年總結 |
每年今日我都好努力咁回顧返一年黎做過既事情
但今年開心事一樣唔多, 傷心事又係好多
點解會咁架, 有時都幾討厭自己
我記得今年去左做義工, 識左位好好既朋友, 我會記得你的!! 希望你都一樣啦!
雖然已經冇聯絡啦, 但我會記得你陪過我睇3套電影(電影戲飛仍保留住架 )
今年我仲學人種小盆栽, 有一盆叫金錢草 , 生得愈來愈美
不過今年生日一樣唔太開心, 雖然去左海洋公園, 但陪我既并唔係我希望既
2016年明天就係啦, 第一天會開心嗎??
我好好好好好好好好希望2016年會係開心既一年啦!!
|
|
