應承位朋友要整野食比佢試, 今天終於實行啦!!

一早就起身食完個早餐就先去買左煲甘蔗馬蹄水既材料

因為知道佢原來仲未好返哂, 飲呢個可以潤d, 舒服d

11點開始就整啦, 洗馬蹄切甘蔗都搞左我成個鐘啦!!

12點就開始煲啦!! 點半就完成, 超甜呀!!

晏就去食個lunch就去買整雞翼既材料啦!!

因為我想整香茅雞翼, 所以要先去買香茅, 但其實我唔係好知香茅係點架!! 哈哈哈

好在爸爸帶左我去搵, 嘻嘻

3點幾我就返屋企準備整啦!! 先醃左d雞翼, 我再落左去超市買車厘茄 (用黎做伴菜) 

因為擔心醃既時間唔夠耐, 會冇咩味, 佢就叫我唔駛急, 醃耐些少先整!!

所以我差唔多6點半先開始煎, 金黃色咁, 好吸引架!! 哈哈哈

之後又將幾粒車厘茄加鹽炒下, 咁就完成啦

我就馬上放落個食物盒拎比佢試食啦!! 仲比埋支甘蔗水佢飲!! (請注意, 個樽我早2星期已經開始用水浸住, 唔駛之前陣味影響到怪怪咁)

佢讚有100分呀!! 真係超超超超超超超超超超超超超超開心呀

我會好期待你下次整咩野食比我食架!! 我會記得架!!!!

 等左一年, 移動2終於上畫啦!!

約左阿輝同我一齊睇呀!! 之前仲一齊食晚飯先呀!!

去左荃新天地1期既上海婆婆食飯

原來有人唔識分1期定2期

套電影都好好睇架!! 有D位幾嚇人架!! 都好緊張!! 唔錯唔錯

 輝~ 生 日 快 樂 !!!

今日6點準時收工, 知道佢應該訓緊, 所以唔咁早打去嘈醒佢

我係上到車先打比佢, 睇下佢起身未!!

點知, 電話响左好耐, 我都估佢未醒架啦, 諗住收線佢就'喂'啦

不過我到左朗屏佢都仲未到, 所以我就打緊機等佢黎啦!! 你生日等下都無所謂啦!!

我地一齊都去屯市洋麵屋五右衛門食 (原先我打算係星期日去睇下間野係點, 但因為我路痴, 最後個日都冇搵到)

同佢一齊行, 唔知點解好快就搵到, 我以為要行好耐先搵到

我地最後選擇食2人餐, 前菜都係佢比我揀

間野d意粉都好正呀!! 佢叫既墨汁意粉都好正呀!! 唯一唔好就成咀都黑哂, 哈哈哈

食完野就陪佢行商場, 又去睇遊戲機, 又睇電話, 又去左睇家庭用品!!

最後佢買左鞋架同一張椅子, 之後就搭車回家啦!!

希望你過得開心啦!!

p.s. 原先諗住送禮物比你架, 但諗左好多日, 始終都係諗唔到!! 陪你一日當係禮物先啦!!

 超開心呀!! 今日係抗戰70年, 所以今日有得放假呀!!

因為阿輝收8點, 所以約左一齊食早餐呀!!

我都係9點到先起身, 佢好快已經係樓下等我囉!!

我冇諗到佢會咁快過到黎架!!

我地係附近餐廳食野, 傾下食下時間好快過!!

終於要搬位啦!! 老闆成日都行黎問我地幾時搬入去

我地又要先將里面既野自行清理左先, D野放左超多年囉, 92年既都係到, 想點呀

之後又要自己搬自己部電腦入去, 因為本身個電腦部同事得一個人, 所以自己搬會快D

我仲自行插埋電腦TIM呀!! 一手一腳整!! 哈哈

開頭個陣, 我地3個坐走廊位, 都唔知自己部電腦點放先好, 因為張枱變左做L枱

我同Sally就選擇面對走廊坐啦!! 好似出面d人望唔到自己做乜, 感覺好d咁!! 哈哈

不過我地搬左入房, 要行出行入都唔係好方便呀!! d sales好遠囉!!!

老闆鐘意, 冇計啦!! 唉.....