終於等到放假啦!! 好開心呀!!

雖然冇咩特別既要做 , 但每次放假都好開心呀!!

我成日都話想買電話, 今日又再去睇過!!

我想買既係Samsung s2 plus, 宜家只係個價錢令我卻步

到底買定唔買呢?? 我又好想試下用Android手機!

又可以搭車玩下d game, 睇下新聞, 睇下劇集咁!!

我諗多1,2日先!! 爸爸都話鐘意就買囉!!!

好煩呀>.<

明明係自己做錯, 但竟然用喊想博其他人同情嗎??

錯左我覺得認左佢咪算啦!!

點解要做到好似唔係自己錯, 變左係人地錯呢??

我地已經同佢冇咩兩句, 基本上成個OM組都冇人鐘意佢!!

所以佢既野基本上都唔會理啦!!

盡可能都唔叫佢做野, 只要佢做返自己既野就算啦!!

但我地都知佢成日都同出面既人講我地OM不是!!

嘩!! 我地真係好無奈呀!!

算啦, 人地把口係人地到, 我地都控制唔到!!

做好自己就算啦!!!

最近都好忙呀!!

每日都做到成7點半呀!!

仲要每朝早早半個鐘返公司做野!! 但一樣要咁遲放工!!so sad!!

所以今日我決定放下午, 其實我係去睇中醫!! 嘻嘻

但早上突然間有好多野要我做!!

忙到我傻呀!!

Ivan又過左黎我到, 一齊對d VMS!! 之後我要係個半鐘搞掂埋佢!!

真係氣都唔得間抖呀!! 哈哈

2點幾返到元朗, 食下野再行一陣街!! 好舒服呀>.<

差唔多4點就去睇中醫啦!! 等左好耐先到我呀!! 攰呀!!!

明天又放假啦!!!開心^^

今日約左阿姍去尖沙咀睇只大鴨仔呀!!

我約佢1點半係地鐵站等,

但我1點已經到左啦!! 等佢25分鍾就見到佢啦!!

我地既目的地就係海港城!!

我好似係第一次同阿姍出黎尖沙咀呀!!

覺得好開心呀^^

我地都仲未行到海邊, 遠遠都已經睇到只鴨仔啦!!

真係超超超大只呀!! 成2層樓咁高呀!!!

望住佢人就變得好細!!

我地好辛苦係逼到入去, 同只鴨近距離影相呀!!

實在好多人呀!!

影左好多鴨相, 好滿足呀!!!

之後我地四周圍行, 途中我地講左好多好多野!!

之前返學都冇認識佢咁多呀!!

我對住阿姍, 咩野都講, 唔駛就住就住

開心就哈哈大笑

因為我覺得阿姍你就係我既真心知己!!

好多人都話朋友可以有好多(雖然我唔多, 可能10只手指都數得哂)

但真心知己既朋友可能得1,2個!!

所以我好珍惜同你的相處呀!!

唔知你係咪都係咁覺得呢

今日仲有1個驚喜tim呀!!

我地漫無目的咁行, 行行下我見到位好似谷德超既人

我就細細聲問阿姍係咪, 突然聽到後面d人講[鄭中基]呀

我同阿姍望返轉頭, 真係見到鄭中基呀!!

佢好nice咁對住我地笑呀!!! 我地仲回望左2次咁多呀!!哈哈哈

今日我真係好開心好滿足呀!!攰好抵呀!XD

今日我都有好多好多野要做呀!!

雖然寄板唔多, 但要跟既野都好多呀!!

但我總算清左好多呀!! 張枱冇咁多野啦!!

我唔想d野跟唔足呀!! 所以有時我覺得Ivan 做野係好架!!

因為有事, 都會有好多證據同人講嘛!!

但就變相好多野要做, 我怕會做漏呀>.<

哈, 我都未算慘呀!! 阿寬搬左去Gilbert個邊, 做既野又多左

宜家Gilbert又出差, 佢仲慘呀!!

我7點4就走人, 佢都仲未走得, 要加油呵!!

大家都一定要努力呀^^