今日阿姍入黎元朗行街!!

我地都好似有成半年多冇見啦!!

佢轉左新工, 做電話接線員, 希望佢會做得好好啦^^

我地四周圍行, 好多商場都行呀!!

但成條街都咁鬼死多人, 其實我就唔係好鐘意既!!

但同阿姍行街, 唔怕啦!!哈哈

我地仲去左B仔食野TIM呀!!

佢叫左個芒果西米撈, 見到佢食得好好味,

我下次都要叫先得!!呵呵呵

本身佢話要買衫, 但佢就睇唔岩

我反而睇岩, 係1套裙黎架

不過成$199, 我琴日先買左成$450, 雖然好想勁想買

但最終都係冇買到

不過2月份我再去睇, 如果仲係到既, 我可能真係會買!!嘻嘻

但可能仲要花多筆錢買對BOOT襯先得啦!!!!

今日收左工, 其實心情一般,

我係諗住買d野, 開心下,

點知行到一間買衫店, 見到套衫好令, 我都諗左一陣

因為都好貴架, 每件都成$200架, 未試過買咁貴架!!

但個sales話返工著好岩, 又好岩我著

搞到我個心1516咁

佢又話係最後1套啦, 所以我就問左佢1句, 係咪真係岩我著架??

咁就買左我人生入面第1套咁貴既衫啦!!

之後我返到屋企第1時間就試下啦!!

我都覺得好令呀!! 未試過著D咁COLORFUL既衫

搞到成個人都唔同哂!!

但代價就好重啦, 哈哈哈

Gilbert由今天開始, 又要出差了

d野又要我地做,

好在呢排真係唔多野做

每日都可以好準時咁收工

呢樣野係好重要架!!哈哈

最近我真係好鐘意睇台劇呀!!

其實係因為想睇楊丞琳, 小豬(宜家當然唔止呢2個啦!! 嘻嘻^^), 就不停返看佢地之前的劇集

但我睇既都係d愛情故事黎既!!

宜家搞到我認識左好多好多不同的台灣人

同埋, 我最最初係因為覺得睇台劇或內地劇可以更加明白d國語

所以先可以睇既, 估唔到宜家係愛上左睇了!!

仲因為睇完某些劇集而愛上劇中的演員

所以就會永無休止咁追看他/她的劇集!! 哈哈哈

今日返工又係冇野做, 成日都係坐

搞到我成日都放蚊, 超眼訓呀ｚｚzzｚ

望住隻錶，　時間過得超慢呀！！

終於等到６點，　個個都好快走人

我，kit, sham, joanne一齊先去大窩口個邊食左d野先

因為我地都好眶肚餓呀!!

食完就見到tony啦!! 之後一齊行去保齡球埸啦!!

去到門口, 大家都見到阿寬同karen一齊, 重點係阿寬拎住karen個袋

所以tony & joanne有d疑惑, 點解阿寬會幫人拎袋

所以kit就叫tony問個女仔係邊個, 叫阿寬介紹下!!

其實大家都知咩事, 嘻嘻^^

講返打波, 我第1round, 打得非常好呀!!拎左110分

仲要高過阿寬呀!! 我都未試過!! 真係好開心呀XD

到開始話比賽, 我就得返58分(差唔多係多分, 唔係記得好清楚!!)

但到第3ROUND, 我又開始好返D啦, 打2次全中呀!! 呵呵

最後得分係100分呀!!

不過JOANNE就要最加油呀!! 因為佢成日都冇分呀!!

下次要再拎多d分!! 嘻嘻=]