今日朝早FRANKIE叫哂成班文件組既去開會,

我做左咁耐,FRANKIE第一次叫哂我地去開會,一定有D好最重要既野要講啦!!

我地都有好多人呀,(Frankie, Kit,Sham,Therdore, 寬,匡蕎,Ada,Grace, May, 我,Daliys,Fion,Summer ---Tony & Joanne)

一開始Frankie講d黎緊對我地文件組有d影響既問題------影印機

之後Frankie就叫我地每人諗一d工作上問題,如果可以令到我地方面d,同快捷d既,佢可以同上面傾傾

大家講既每日都會發生好多次,今日好似變左個申訴大會咁!!

咩野都講哂出黎,不過最好笑既係Daliys講寄UPS問題, 真係聽到我一頭煙呀!!哈哈哈

如果Frankie真係幫到我地解決到部份問題,做起野上黎都快好多呀!!!

Tony & Joanne 就慘D,比Frankie叫左佢地整中文單個流程出黎,方便d新同事可以更快明白個system!!

係佢地係呢到最後個半月既功課,最重要係Frankie都要睇得明喎!!哈哈哈

終於等到星期六啦!!開心死!!

前個幾曰不停咁做!!

每日都做到成7點幾呀!!真係攰到傻左呀>3<

不過有時我覺得工作上有點挑戰都幾好丫!!

可以唔駛咁悶嘛!!

放假本身諗到打羽毛球架,但天氣唔係咁好,又大風!!

好想打呀!!!個天唔好玩我啦>.<

今日收左工,自己一個出左荃灣行街呀!!

因為唔想咁快返屋企!!

但我都係係荃新天地周圍行咋,出面太太熱啦

我係書店睇書,打左好耐書釘呀!!

睇左成本漫畫tim呀!!之後又睇左d英文書

有d都好岩我返工用tim呀!!

4點幾諗住走架啦!!出到外面,超哂呀!!

所以買左杯軟雪糕食呀!!好好味呀^^

之後又係個海吹吹風,好正呀!!

差唔多吹左半個鐘先返屋企!!

最近黎左2個新同事(Winnie & Ada) ,阿Kit就要教佢地做單啦!!

不過,佢由早上教到晏就,都聽到佢係到話Ada!!

我唔知kit話佢d咩,不過都估到唔係因為阿Kit講左咁多次,

Ada都唔明既,kit係唔會咁嬲既!!

唔知佢聽日會唔會返呢??因為kit咁樣不停話佢!~

ps. 之前阿Kit見人個陣,都會返黎同我地講面試d人的情況

佢同我講面試個人[結婚了],個陣我坐左佢隔離,但唔太聽得清楚

我聽到佢講[叫fuuny]我聽完同返阿Kit講,佢叫Funny?咁搞笑?

原來我聽錯左,笑死我周Kit了!!所以 [Funny]成為新人既花名啦!!哈哈哈

整左成半個月有多啦!!

今日食完晏返到去,終於有冷氣啦!!!^^

冇冷氣真係又熱又焗,都唔想點做野呀!!!

行多幾行,都熱死呀!!!

希望今次整返唔好咁快又再壞啦!!

真係會頂唔順的>.<