終於同阿寬講好啦,我會今日下就開始放假,到星期四下就先再返工!!

因為佢有1日半要自己打email我信佢得既!!哈哈

我今年得返5日假,2星期要放哂,但又唔可以唔理阿寬

所以差唔多都係放半日!得2日係放全日咋^^

最近d野都唔係好多,都係追下野咁,

佢一定搞得掂啦!!安心放假

今日同左爸爸去紅磡行街呀^^

我地12點幾先去左食晏就,之後就開始我地既行程啦!!哈哈

我地四圍行,又行左去黃埔新天地個邊,又行去海濱長廊

望住個海我覺得好舒適呀!!咩辛苦事都唔記得哂lu

我仲去左爸爸細個住既地方睇tim呀-----紅磡榮光街55號

不過爸爸話好多野都唔同哂,冇咩人tim呀!!

5點我地搵車搭返屋企,點知冇元朗車=.=

我地唯有坐美乎車再轉出返去啦!!^^

返到去都6點幾啦,好攰但好開心

今日朝早阿Kit話同我&阿寬開會!!

我地都以為係阿Kit同我地對下表個d咁!!

但入到房先知係講第2d野!!

第1樣係講阿寬遲到的問題!!希望佢真係可以改善下啦!!

我知佢一定做到的!!^^

第2樣都算係bad news!!

因為有同事下個月就會走啦!!佢手上的野要有人跟

但到宜家都仲未請到個人!!

所以Frankie同左Kit傾,要由阿寬幫手做2組單!!

仲有2組由Sardra做!!我第1個反應[唔係嘛,一定死架喎]

Kit都知我諗咩,但冇計,唔通我地做咩!!

Gilbert d野雖然我地都算跟得到!!但都有好多野要追!

怕會冇咩時間,真係7點都可能走唔到呀!!

因為其實我自己仲有糖單要跟,出貨野要跟

個同事下月走左,到時既麻煩會再呀!!!唉唉唉!!!

Lunch食飯個陣,阿寬話幾波未平,幾波又起!!

真係講得岩呀!!但我一定係睇住佢既!!

不過Sardra就......之前叫佢做佢成日都話唔記得!!

算啦,船到橋到自然直啦!!!

今日我好似平時咁,7點9出門口!!

落到去搭西鐵都係8點到,

等左一陣就上車,我以為睇完報紙就差唔多到南昌啦!!

點知架車差唔多去到錦上路就行得超慢呀!!

之後先知美乎個邊的電纜出現左問題!!

搞到我地要係錦上路個站落車,

個陣係8點半啦!!平時我已經差唔多落車啦>.<

但我就咁係錦上路站等左超過半個鐘!!

聽到廣播話要係荃灣西先有接駁巴士到南昌

我足足等左幾架車,我先逼到上車咋!!

但上到車,仲未走得喎!!等左4個字,即9點4先開到車!!

途中都停左幾時呀!!行左唔知幾耐先到荃灣西站咋!!!

成日車站都係哂人,個個都行去轉巴士,點知事左一陣,

又聽到廣播話美乎站的電纜整返好!!個個又行返落去車站!!

落到只見到人海咋,路都睇唔到呀!!搞左好耐,10點先到南昌站咋!!

10點4先到公司,攰死我啦!!!!

今日Gilbert又出差啦!!>.<

每次佢出差都一定有報價要做=.=

其他野我地都仲算搞得掂,

不過,報價呢樣野,都係搞佢唔掂呀!!

我差唔多用左成日先做得小小野咋!!

但係比之前已經好好多了!!

打email方面,我會盡量自己打!!

Gilbert出email之前,會再汁汁,

但有時我見佢都唔改,就直接send出去!!

我覺得自己有d進步啦!!嘻嘻=]

今日又要放8點幾呀!!返到屋企都9點半啦!!!