跟左gilbert的野都大半個月啦!!

開始知道有d咩野要做啦!!

不過好多問工廠既野,我都唔會自己打去問

多數都會係阿寬打去,我最多問佢打左未!!

但我會出email比d工廠!!

不過我到宜家最大既問題仍然都係英文個到

每日都左3點左右,我就要開始打email比美國既客人!!

有時有d特別野需要同客人講,但我又冇特定既句子可以用到

自己就不停係到度,又要查字典,真係覺得好煩!!

因為gilbert會睇返我打既email,有時仲會將我打個d改過哂

有時都會覺得唔係幾開心,唯有自己將d主要句子mark底

希望有一次gilbert唔需要改我d野啦!!

今日因為要迺屋企睇電視,哈哈哈

所以我好早就走啦!!仲特登同阿寬講我要走,激死佢,嘻嘻^^

之前睇報紙見到1個廣告

係一樽藥丸黎的,對暗瘡有幫助

我諗左好耐,發覺試下都冇壞姐,

可能食左真係對暗瘡有幫助呢!!

所以今日就同左爸爸去萬寧買左一盒60粒的草姬蜂膠丸

但我買個一刻,都有d 15 16,唔知買好定唔買好

不過爸話試下,我就買左返去啦!!

希望1個月後會有d成效啦^^

之前爸話部洗衣機壞壞地,所以今日去左睇!!

睇左幾間,都係係豊澤到買呀!

本身係去睇下架咋,但再遲d買會貴,所以就今日去買左啦!!

但都要成星期二先送到貨呀!!

**屋企係呢2-3年內換左好多野,有雪柜呀,電視機呀,熱水爐呀,今次就洗衣機

唔知下次係咩呢??哈哈哈**

很奇怪,我自問都唔係咁難相處姐

點解每次食飯,佢地都唔會同我講下野既??

大家年紀都係咁上下姐,我對人唔好咩???

佢地每次出去食,唔會問我同唔同埋佢地一齊食,

我唔一定要帶飯架??只不過冇人陪,我先會成日帶咋!!

我都好想同佢地出去食,了解一下人地平時既生活

點解咁多人都唔願意同我做個可以找心既朋友,

我除左想係工作上可以傾到計.仲可以同d同事係放假時都可以出去行下街!!

宜家既我,放假好悶,冇人會知道!!

有時聽到人地放假做左d乜做左d物.自己又搭唔到咀

個時都好down!!有時人地問我放假做左d乜,我真係唔知點講!!

唔通同人講:[冇呀,日日都係落下街,食下野,睇左陣野就返屋企,玩下電腦,食晚飯,睇電視,訓覺]咁咩

每日都咁規律生活,做人真係好鬼悶!!

但我又可以點呀!!根本一個人都唔會搵我!!

就算我打比人多數d人都話唔得閒,下次再約,但呢個下次可能係幾年之後!!

有時我諗其實我根本唔需要電話呢樣野,因為都唔會有人會搵我!!

電話除左同屋企人講2,3句,其餘時間佢都好靜,唔會再發出任何声音比我聽!!!

朋友,其實對我來講究竟係d乜野黎??我唔知亦冇法去了解!!

真係好討厭自己呀!!萬一自己有事,我都唔知可以搵邊個傾??

今日晏就同左JOEY,VICKY,GILBERT,SANDRA & 寬一齊出去飲茶~

第一次唔係同文件組以外既同事食,感覺怪怪!^^

不過佢地都好NICE既!雖然餐晏多數都係JOEY&GILBERT係到講野!

但我地都聽到好多平時聽唔到既野!!

同埋我發覺,唔同既人工作方式都不同,但都應該係為左自己公司好既!

我最近都開始同埋寬一齊跟GILBERT單,希望會跟得好好啦!!唔好D貨再駛遲期啦,嘻嘻

**出去既時候,我同寬傾傾下計,睇唔到車,佢竟然比架車嚇到!哈哈!

不過都係要小心過馬路好D!~