今日同左阿姍出去唱k!!

今次我係第3次唱k! 開始識得點樣點歌啦!!

之前我係咩都唔識架

我地唱左2個鐘到,就走人啦!!

都唱得幾開心,不過阿姍多數揀d我唔識唱既歌,係n年前,我冇聽過既歌呀>3<

3點鐘我地出左朗豪方行街,又去左許留山飲野!!之後又去行四圍行!!

今日都算幾開心,如果話題可以再多d既,一定仲開心d姐!!

**如果你想搵其他的工作做既,搵我啦,我一定會幫你的!!

試多d唔同既野,我諗你一定會開心d,同埋可以識多d唔同既野!!

我已經係公司都仲學習緊!!^^**

倫敦奧運開幕啦!!

但時區唔同,我地唯有係凌晨時分睇啦!!

開幕禮就係今日既凌晨4點開始!!

我好想睇,所以就教定鬧鐘啦!!

到左4點,有一刻真係唔想起身,因為都幾攰!!

但諗左幾分鐘,都係起身睇啦!!

反正唔駛返工,可以睇下!!嘻^^

我睇到天光呀!!6點鐘呀,家姐都起身返工啦,我就準備上牀訓覺啦

但我覺得上次既北京奧運開幕勁d!!呢次就好有故事性!!都唔錯=]

今日超攰呀!!

因為工厂寄落黎D貨,外箱少左D野,要我地整返哂

由朝早接近11點開始,整到1點食飯啦!!

阿寬整野超搞笑囉, 唔知邊到係正面,邊到係側面,

係OFFICE入面以為佢整左好多,點知我出到去,佢整得1個,

真係笑死我啦!!哈哈哈

到左出去食飯個陣,阿寬睇到有個整錯左,要整過,

佢就繼續整,我就去食飯先。

因為我係帶飯既,1點半個陣,我岩岩食完,佢就打黎,同我講,叫我再整過!!

真係激死啦!!! 佢2點返黎,再自己整,我冇再幫佢野啦!!!

雖然今日做到氣CUT,但我隔離個位Joanne小姐,超搞笑!!

錯左又話冇錯,係漏左喎!!真係比佢激死!!

日日有呢d笑料都唔錯丫!!做野都開心d啦^^

今日我終於下左一個都好重要的決定

就係買左[ 醫脂燒 ]啦!!

我前排諗住買牛仔褲,點知去到試身室,發覺自己有好多肥肉,

又試唔岩條褲,就好炆自己啦!!!

之前係報紙見到[ 醫脂燒 ]的廣告,好似好勁咁,唔駛運動,就可以減到11磅

好想試下呀!!諗左好耐架啦!!終於都係買左!!

試下睇下有咩效果先,希望真係WORK啦!!!

唔希望再睇到D肥肉啦!!想睇到條令腰,瘦腿呀!!!

15日之後再報道最新消息!!

死人阿寬又話會返工,去到成9點幾仲未見人,都知佢唔會返架啦!!唉

今朝只係做單,都冇乜做過Gilbert既野,等阿寬星期一自己做哂佢

成日都係得個講字,激死我啦!!!

12點幾個陣,家姐突然打黎,話出緊黎我呢頭!!

我一收工就立即同佢地回合啦!!

我地去到西九龍個邊醫肚,再四圍行街街!!

不過出面好鬼熱呀

我地就去入左商場啦!!都好多人呀!!四圍睇野!!

我仲買左件衫TIM呀!!好令架!!嘻嘻^^

4點到,大家好攰呀,就諗到去大快活坐下,等左勁耐先搵到個位坐咋!!

之後又食左下午茶!!好飽啦!!

由於我地唔急返去煮飯食,所以就行多一陣!!

5點幾個天突然轉差啦!!好大風呀,D沙吹到眼好辛苦呀>.<

我地6點就去到搭西鐵回家啦!!

夜晚只係煮左公仔面食咋,晏就個餐都仲好飽呀!!哈哈哈