首先祝自己生日快樂, 願望可成真!!

今日請假冇返工, 因為我好渴望會有人約我出街。所以就先放自己假。等別人的來電。

但好可惜, 等了半天1個電話都沒有。心情DOWN左好多。

之前有位朋友話我生日時去海洋公園的。 我當時真的相信佢會記得。

但去到琴晚睡前(電話已經沒有關上)都沒有收到她的來電, 我當然亦唔咁打去問到底會唔會去啦!!

去到今天我確信佢真的忘記了!! 就連講句生日快樂都沒有。

有時我真的很討厭自己呀!!

同事們問我放假去左邊, 但實情根本冇咩地方去, 只係同左爸爸出過荃灣行。但我仲要呃佢地去話同朋友慶祝。講到好開心咁!!

但我一點都唔開心, 仲有點討厭今日!!

我根本冇朋友, 出街都只會同爸爸一齊。好悶好悶呀!!!

明明今日生日, 但一點開心都冇!! OH NO!!

琴日我同阿Kit講, 星期六和星期一都放假, 佢問我去邊, 我話因為special day, 所以放假。

佢知道星期一咩日子呀!!好開心呀

放工個陣仲提我今日唔好帶飯TIM呀!! 佢地幫我食飯慶祝!!HAPPY~~

雖然好簡單的一餐午飯, 但我都覺得好開心, 好滿足架啦!!

因為自己知道根本唔會有第2個人同我慶祝!!!>.<

多謝咁多位同事們同我食飯呀!!THANK YOU^^

今日到星期四, 阿KIT都放大假呀!!佢去旅行啦~

我要幫佢手, 做佢D單>.<

雖然冇咩問題既, 但今日勁多野要改, 做到我死呀!!

今日Joanne又冇返, 得我自己一個人做!!

都唔知做得邊一樣啦!!oh no

不過, 好在我唔駛理Gilbert個邊d野住, 所有野都由阿寬做!!呵呵呵~

但見阿寬有時d野未做到, 我都會提一提佢既!! 唔想佢死嘛!!哈哈哈

最近Joey個邊多左個新同事, 我本身以為有人快唔做,先請返個人跟!

但原來唔係的!!實情係因為呢排好多糖單都遲左出貨, 阿姐不停嘈Joey點解會咁,

可能我都有d責任既, 不過我已經每2-3日就追問工廠做貨情況, 幾時可以驗貨等等....

但工廠唔合作, 我可以點呢??貨我都好想出哂, 唔想遲貨期。 但有d事唔能夠由我去控制的!!

所以個位新同事, 將會負責測試樣的情況!!但其實一開始我就唔係負責跟測試的!!

只不過走貨時同測試係有關聯, 所以我先會追下!!

如果宜家有多一個人跟測試, 我可以專心去跟驗貨,出貨

希望係黎緊1,2個月會有d成效啦!!!^^

我都唔想Joey成日都比阿姐嘈既!! 工廠又要合作d,咩問題都能解決啦xd

 琴晚成1點幾先訓, 今日都可以8點起身

覺得自己好勁呀!!哈哈哈

今日同埋爸爸&家姐一齊上深圳行下!! 

首先去左M記食早餐, 個陣都係9點左右咋, 之後我地就搭巴士去褔田口岸啦!!

我地係10點左右就去到啦!!

其實我地冇乜目的架, 見到咩就行架啦^^

所以就唔識路, 頭個1個鐘就去左個冇乜人去既地方行!!

之後我地再去搭地鐵去購物公園到行!!

呢到好多商場, 同爸爸&家姐一路行一路嘻嘻笑, 好開心=]

如果下次再黎, 要去d多人d既地方, 有得行街既地方^^