做左5日,終於星期六啦^^

本身要返工的,但我放假唔返!嘻

一來實在好攰.,二來要清大假呀

早上同左爸爸去大快活食早餐,真係好滿足呀=]

之後係屋企睇十幾年前的電影----十兄弟

雖然睇左好多次,但每次睇都一樣好好笑呀

晏就同左爸爸去左新元朗中心既百佳廣場

我行到去家品部,見到有個磅,

我突然心血來潮,想量下自己有幾重

咁岩四周又冇乜人,於是就將個磅放左係地下

快快企上去量一量

發覺有60kg,即係130lb

我好耐之前量過(我諗應該有3年啦),個陣都係60kg

宜家都係60kg,可以話冇重冇輕到

不停自我安慰,冇重過都好好架啦!!

但實際上當然唔想只係冇重過啦!

如果可以減到1-2lb,我都已經好開心!!

所以都開始做運動啦^^希望會有成績出現

我已經每晚玩呼拉圈.前排我睇報紙知道有位女士都係靠轉呼拉圈,轉出美麗身材

我都希望自己能夠轉出個成績來!!

每星期最少玩5天,每次20-25分鐘!!一步一步咁加上去!!

有信心一定得架!!!!努力呀!!!!!

希望下年的今天,我再去磅一磅,成績會有改變啦!!!但一定要係減少既!!

 每晚都做到成7點幾,真係好攰呀!!

但d野仍然都仲未做哂呀>.<

究竟要幾時先可以做得哂呢??

遲d 又有展覽,一定又好多野做啦!!唉!!

其實多野做都唔緊要既,最緊要係付出最好同收入成正比啦^^嘻嘻

咁樣就算我食完lunch,抖左10分鐘就快快開工做野

我都無所謂架!!

Gilbert第2次出差,我跟阿寬又要再一次做到死呀@@哈哈

不過今次好d,有d野我地都知道,唔會好次上次咁咩都唔知丫!!^^

但都有d問題突然出現,要我地解決,都唔係咁容易!!

但係一個好好既學習呀!!

阿kit講得好岩架,出面既公司唔會咁樣訓練你!

有d咩問題都要自己解決,d阿頭係唔會理你!

而Gilbert唔會見到我地做錯左唔同我地講既人,

佢都會教d野比我地知!!我就覺得自己學得到野呀!!

雖然有時都唔記得左d野,但經過Gilbert講幾次之後,

我有用心去記住架!!希望唔會再有一樣既錯啦!!

跟左Gilbert既單之後,先發覺自己仲有好多野要學的

一定要再努力d,要做返d成績出黎先=]

做左5日野,終於等到今日放假啦!!

真係好開心呀!!

早上我都係8點9左右就起身啦!!之後同左爸爸落街食早餐,嘻嘻

晏就我同左爸爸出左屯門,因為上次爸爸同家姐去左個新商場,搞到我又想去下>.<

我地先去左大家樂食野,不過等左好耐先又位咋!!超多人呀!!!

之後就四周行呀,最後就去埋今日的目的地,但原來係冇乜野睇架!!so sad!

4點幾就搭車走人lu!!!

今日係Gilbert呢個月出差前最後一日的上班日

我同阿寬今日應該有好多野要問佢的!!

阿kit成日都同我地講,要搵Gilbert問清楚d野,唔好好似上次咁!!

其實我都知,但都要諗下有d乜野要問佢!!

好在今日d email唔係多咋,好快就搞掂!!

之後就同阿寬睇下有d乜野要問gilbert,廢事真係好似上次咁啦!嘻嘻

不過吸取過上次經驗,今次應該會好d,唔會唔識點做!!

最起碼我開始知道點樣報價比客人,個流程大概都知知地啦!!

Gilbert仲帶左我同阿寬落板房,因為4月會有客人黎睇板,要整令個板房!!

今日我地好快就清哂d email,不過好多野要追問工厂,煩死人啦!!

下星期仲有多野做,因為gilbert比左d報價我地,睇下工厂有冇覆,如果有就send埋比客人!!

希望今次我地會做得好d啦!!唔想再有咩錯啦!!!努力加油~!!

p.s.  阿sham開始做Ivan d野,不過阿kit好擔心,

因為Ivan唔似得Gilbert咁Nice,有咩事唔會直接講出黎,只係用email講!!

真係你唔睇就唔知發生緊咩事!!希望sham會做得黎啦!!

呢1年黎,我發覺我做野既文件組,d人愈來愈冇心

我唔係講全部,不過又可以話係絕大部份人都係!!

以前我做野唔需要人講,我都會自動去做,

冇野做,亦都做問下阿kit有d咩可以幫手!!

就算我唔係經常做同一樣野,隔左一段時間,我仍然記得點樣做!!

唔似得宜家,甚至佢地連最簡單既野都唔太清楚呀!!!!

我同阿kit都唔知點算好呀!!

成日都要人提,要我地教佢地做野,個個都差唔多黎左1年啦!

點解d工作態度一d都冇乜改善到既???仲好似差左咁架??

點放心比多d野佢地做丫??放出去一定死梗呀!!煩死!!!

希望佢地醒目d啦!!!有心做既就唔好懶懶閒,

比多d信心我地,如果你有能力一定會比你去試,

但呢一刻我同阿kit睇唔到!!!!