琴日同事話去碌ling問我玩唔玩,我話好耐冇去過,玩下啦^^

今日大家都好快做好哂d野啦!!

6點到就走人,不過阿sham今日係放假,我地要係公司留下等佢,

諗住叫阿寬打比阿sham,點知佢又冇打電話=.=

因為阿寬將阿sham電話no.貼左係sham個電腦枱上,

阿kit就打上去問sham電話!!!

我地一行5個人一齊去搭mtr落大窩口,阿寬又話識路,帶我埰都唔知行去邊!!哈哈

阿kit成日就玩佢,唔話佢知要行邊到!!嘻

我地大約7點到就去到碌ling場啦!!不過就玩我地只可以玩到7點9咋!!

但我地都照玩!!

我真係好耐冇玩啦,第一下連行都唔識行出去!!都係好是但咁行咋!!

但玩左一陣,都開始熟啦!!我仲試過打全中tim呀!!!

阿sham見到我都打到全中,有d sad!!哈哈

不過佢就好快上手,都打得幾好架!!

但一定唔夠阿寬好啦!!佢打出去好有力度,雖然就唔係成日都有全中,哈哈!!

我地玩左一陣就已經7點9啦!!要交場啦>.<

因為個場要打比賽,唔可以有街外人玩,起碼要去到10點到先再有場!!

我地係個到食完d小食,阿寬佢地話去唱k!!

反正我都冇唱好耐啦!!咪又同佢地一齊啦!!係荃灣到唱!!

全程都係阿寬,kit,阿sham唱,我間中都有唱下架!!

但一定就唔夠阿寬勁啦!!笑到我地死呀!!

一時將廣東歌變左佢國話歌,一時又變女声同阿sham合唱!!

真係笑到我地死左呀!!!!

一嗜就唱到成12點啦!!本身我唔知搭咩車,不過阿寬問仲有冇西鐵搭,

我話仲有掛,所以就同埋sham一齊去西鐵站啦!!

我地3個諗住行過去架!!但阿寬話都幾遠下,驚搭唔到尾班車

所以就去搭的士啦!!我同sham去到礑鐵站,就聽到廣播,話去屯門係12點19分係最後一班,

真係好在我地坐的士過黎,唔係都唔知點算!!

返到公司都12點半啦!!好攰好攰,但好好玩呀!!!

第一次咁夜先返屋企,搞到爸爸好擔心!!但我大個啦,我沒問題的=]

今朝我7點就起身啦!!因為琴日見公司仲有好多野做,所以就諗住早d起身返工啦!!

不過我起身都有d掙扎,但最後我都起左身,冇再訓!

咁岩爸爸又起左身喎,我仲諗住自己煮面食架,

佢起左身就幫我整,哈哈哈

咁我就可以整下其他野^^

有時都覺得咁樣幾好架,有人幫你煮早餐,真係好開心

整哂所有野就出門口,個陣都係7點9咋,真係好早,平時我8點先走人的~

做左一個早上,琴日既野大致做好啦,而今日要做既野唔算太多

希望可以準時收到啦

嘩,今朝好鬼凍呀!!出面又不停咁落雨喎!!!

真係好唔想起身返工呀!!

食完lunch係公司上下網,但阿寬無啦啦叫我,又比佢嚇到

我真係唔知點解我成日都會比人嚇到架喎!!!

真係冇得醫,唉!!~哈哈

琴日實在太攰啦,所以今朝訓到成9點半先起身咋!!!

之後就煮面食^^

今日又涼左呀,d天氣成日都變,真係煩呀!!

晏就食左野,諗住去睇下有冇衫買,但都係睇唔岩!!>.<

好想買d裙著下丫,但又唔知邊d好睇,煩死人啦!!!

5點係屋企又睇阿嬌既靈珠呀!!真係好好睇,我最鐘意就係睇呢d劇集,穿越時空,好正呀

今日收工之後就落左荃灣啦!!2點約左人呀!~

因為我係搭西鐵,要係荃灣西行過去地鐵站,都行左大約20分鐘!!

2點到就見到佢啦!!但我實在太肚餓啦!!

所以我地去食左野先!!都要行一段路先搵到間快餐店食!!

我地坐左一陣,3點到就開始圍行啦!!

一路行佢一路佢講係酒店既野比我聽,

其實我唔係好想知佢咩時間做d咩,因為我根本就唔清楚佢個行!!

但佢就不停咁講,佢唔會點轉話題的!!

我地不停係個商場四圍行,佢又唔知想行去邊,

一d目的都冇,又唔係睇野喎,好單純咁[[ 行 ]]街咋!!

5點幾個陣,我真係行到好鬼攰!!係一d商場停左係到抖下,唔係真係死得人!!

企個一陣間,話題仍然講佢酒店既野,好悶!!!

之後我同佢講,真係頂唔順,係美心坐下抖下先!!個陣大約6點左右!!

之後去左美心抖,我地傾左大半個鐘到野,

之後我心諗,應該搵個地方食野啦!!

因為佢同我講會同埋我食晚飯,所以我同屋企講唔返去食!!

點知行到去地鐵站,佢竟然同我講你係咪係到搭車呀!!

嘩,真係激鬼死呀!!明明係佢想同我食晚飯,但講都唔講声就咁走左!!

呢個人真係好有問題呀!!!

我當然話唔係搭地鐵啦!!!因為我要去食野!!唔通同屋企講我宜家返黎食咩!!!!

但夜左我唔係好識路,一個人傻下傻下咁行,

終於睇到間大快活,唔理咁多,食左野先,同埋又好攰!!

是但食左個豬扒飯,抖左半個鐘到,就去搭西鐘返屋企啦!!!

因為晏就實在行得太多啦!!!對腳真係好似唔係我咁!!!!

8點幾我先搭到西鐵,終於可以返到屋企!!

唉,我下次真係唔想再同佢出街呀!!!佢講d野比我知,我真係想罵爆佢呀!!

電腦唔用又長開,佢話都開左成年都唔熄過!!我同佢講開機都唔駛分幾鐘姐,但佢就話連個分幾鐘都唔想等,

我冇野好講啦!!!!又話用電腦聽cd唔好聽,一定要用d好專業既唱機聽先得,啞哂呀!!!

總之佢冇一句說話我係認同的!!!

今日真係俾佢玩死!!!唔會有下次!!!