今日係冬至呀!!先祝大家開開心心,身體健康^^

今日真係好開心呀

LUNCH個陣,我地成班人一齊開大食會,玩抽獎呀^^

D野食又好好味喎,食到咁上下,就玩抽獎啦!!

大家都玩得好開心!!最搞笑的一份聖誕禮物係1盒30幾只雞蛋

收到個位真係好驚喜呀^^

我就抽到FRANKIE既禮物,係2只鴨仔肥皂,都好可愛架

今年的冬至真係好開心呀,希望大家有個開心的聖誕^^

今日提早4點走人,每個人都一早做好哂D野,齊齊準時收工!!哈哈哈

今日冇咩野做,可以好準時咁走人

阿寬同阿SHAM個陣仲未走,我走先既!!

我行左一陣,突然阿寬從九丈遠跑過黎,

我本身好注心咁諗緊野,被佢咁飛埋黎,真係成個人跳起左呀!!

之後咪狂打阿寬囉,佢地兩個就不停咁笑,激死人啦

下次要等佢地走左我先走,唔係又比阿寬嚇架啦!!

不過有時阿寬佢真係好搞笑,成日都帶歡笑比我地^^哈哈哈

呢幾日工作唔太忙呀!!每日都好輕鬆=]

晏就個陣阿KIT就俾左D餐單我地睇

因為要今天落單,唔係22號就冇野食呀^^

間野食未試過,但感覺好好食咁,好多野食俾我地選擇架XD

好想快D到22號呀!!一定好開心姐

今日同左爸爸去屯門丫

因為我要買份聖誕禮物,22號公司玩抽獎呀

去左好多間商舖睇丫,但樣樣都睇得唔岩!!

之後就先同爸爸去食下野先,抖一陣先再行過,哈哈哈

最後我都係係千色店買左個碗,都幾令架^^

之後我地就返屋企LU!!~

呢排我成日都冇打日記

可能日子真係過得好平淡

冇咩好講啦!~

開始覺得自己過左咁耐,但一樣係冇乜改變到!

見到其他人都有d改變,外形會有明顯的不同

但自己因為不懂得扮,簡單的t-shirt,牛仔褲我就出街了

根本不懂得扮

其實自己好想扮令d的,但每次去店舖睇衫

總覺得d人會用不好的眼光看我,我就再冇睇落去

所以每次都好難同好耐先買得到衫!!

而買返黎既衫都係d好簡單既,唔會太特別既唔同!!

好想好想扮得令d,得到別人的讚許,可能我會更開心!