放完4日假之後, 好多野做呀>.<

今日D野超多呀!!!成40幾份呀!!!

真係想做死我嗎??

今日我一朝早返到黎, 睇到email, Ivan話有事, 會請假一天

但lunch個陣, Sham話佢已經返左黎公司, 仲聽到佢講電話tim呀!!!

我仲一直以為佢係屋企打email tim, 哈哈哈

不過好在今日Ivan呢邊d野唔算多, 可以做到其他野!!

但我完成所有工作時都已經6點45分了!!

成個人都好攰呀>.<

聽日係呢個月最後一日既假期了, 成個月都要返工!!

真係慘了!!~

嘩!!終於等到今日啦!!

因為返埋今日就可以去放4日既假啦!!!

由放完個新年假開始到宜家, 都一直好忙呀!!

忙到都冇得抖呀!!!!

今日都一樣呀, 我一邊要做Joey既單

一邊又要跟Ivan既單!!

有時忙到都唔知自己做緊乜呀!!!

今日我都成6點半先走呵!!!

今日我又去左睇中醫啦, 已經開始知道自己係咩問題啦,

就係自己唔係熱氣形成有暗瘡, 而係因為內分泌問題而導致的!!

我唔明白點解會有呢個問題發生既???

醫師話好難搞, 我真係唔想成世都係咁既樣呀>.<

佢話要多做運動就會有改善

我自己其實都想學游水架(因為細細個唔識, 所以咁大個先想學返^^)

但我成日都冇心去實行咁

如果我學識左, 一黎可以減到肥, 二黎可能真係可以令塊面好d

但我始終都冇交表, 可能我過多幾星期我會交既, 哈哈哈

唯有我多d逼自己去跑步啦!!!

加油呀, I CAN DO IT!!!

今日約左阿姍一齊去佐敦唱k

今次我早左出門口, 早上食完早餐差唔多9點半左右,

就開始整理一下, 10點到就出門口啦!! 我驚遲左呀!!

我約11點就出到去了, 我地就上去拎房唱k了!!

由於有左之前的經驗, 所以我一黎就開始點歌了!!

都有好多首我都好想唱呀!!

但楊丞琳既歌就唔多, 都係一d比較久既, 但都點左呀!!!

阿姍就點左好多twins以前既歌一齊唱!!!

有時我地一齊唱, 有時就自己唱!! 唱得超high呀!!哈哈哈

我地唱到2點15分就走人了,

之後阿姍諗住搵個公園玩撲克架,

但我地行左好耐都見唔到有

唯有入左間m記玩啦!!

好在間m記唔係好多人, 唔係我都覺得有點唔好意思呀!!

阿姍教我玩鋤大D, 都有好多不同的出法, 真係有D難呀!!!

我仲唔記得邊只圖案大D, 成日都要問阿姍!!!

但我都有嬴架, 囉雖然係亂黎!!因為唔識!! 哈哈哈

之後我地又玩冚棉胎呀!!

一開始我仲有D疑惑, 到底係咪咁玩!!

因為我知道一數到跟當前的數字相同，就要鬥快拍下去

但枱面既撲克係拍到個人拎走定拍唔到既人拎走, 阿姍話前者, 我就話後者

但我最終都係聽阿姍講, 撲克係拍到個人拎走!!

我嬴左起碼2次TIM呀!!! 證明我D速度係快既!!! 哈哈哈

玩到成4點, 我地就四周圍行啦!! 又去到油尖旺, 旺角咁

仲食左章魚小丸子TIM呀!! 阿姍請的-----多謝哂

最後我地行到成6點半先返屋企!!

我仲要第1個返到屋企既人TIM呀!!!呵呵呵

 今日一放左工, 就去搭車返屋企了

因為今日阿姍會黎我屋企

佢話想玩電腦, 不過我同左佢講超慢, 但佢話唔介意喎, 咁我咪冇所謂啦!!^^

但我地先去左食野先, 佢冇食, 我地又傾下計

好耐冇坐底傾咁耐計啦!! 真係好開心呀!!

原來佢之前讀書個陣, 都有黎我屋企喎!!

我都係一D印象都冇呀!! 佢話仲有其他人TIM! 但真係太太太耐了

一點都記唔到LU!! 佢又話我之前有送佢禮物TIM, 我一樣係記唔起呀!!

下次要去佢屋企睇可能會有D印象啦!!!哈哈哈

佢3點幾到, 屋企有事, 所以早走了!! 下次要玩耐D(不過就唔好玩電腦了, 因為實在超級太太太太太太太慢了!!!!!!)