今日約左位朋友去大棠紅葉

朝早11點左右就等車, 不過架車黎到又要再等一陣先可以上車

大約12點終於開車LU, 不過真係好快就到, 15MINS咋!! 好近呀!!

大棠已經好多人啦, 我地先要慢慢行45MINS先可以去到楓香林, 沿途不斷有好多人經過

1點左右終於見到D紅葉啦, 原來真係好靚架!! 其他國家去唔到, 一樣可以係香港睇

不過去到紅葉中心地帶, 真係人山人海呀!! 好熱鬧TIM呀!!

我同個朋友約3點左右就慢慢開始落返山, 我地去左行山路, 路唔難行, 不過就好鬼熱呀!!

行到身水身汗咁!! 不過可以行下山感覺都唔錯!!

下年我要同埋爸爸一齊黎過!!

呢排唔知做乜, D野做極都做唔哂咁既!!

阿KIT又要做A/C野, 年尾A/C又特別多數要找, 呢個星期差唔多日日都要做A/C野

我自己D野都好多, 又要做下阿KIT D單, 真係抖下既時間都冇呀!!

不過我日日都6點左右就收工啦, 因為唔想關燈鎖門留返比阿KIT做, 哈哈哈

今日係家姐生日, 佢特登請假, 咁我又唔駛返工喎

所以就一齊出街啦^^

我一朝早就煮左個早餐比佢食, 雖然只係好簡單既公仔面, 不過我地都好滿足啦

之後11點左右就準備出街啦, 我一早諗好左話去大埔行下

因為都好耐冇去過啦!! 同埋爸爸同家姐都未去過鐵路博物館, 所以就同佢地去睇下啦!!

本身仲諗住去埋回歸紀念塔, 但原來同鐵路博物館好遠架, 當時又差唔多5點幾, 所以都冇再行去LU

我地之後搭火車去上水搵野食, 最後去左食拉面當係家姐係生日餐啦!! 哈哈

下次放假先再去回歸紀念塔影相啦^^

今天天氣不太好, 正在掛三號風球

我的心情這幾天一樣都不是很好

今天是放假的第四天, 除了昨天我有外出過2個鐘多看電影外, 其餘時間我都在家, 不知在干什麼......

我不知道為什麼心情會這樣低落, 或是因為沒什麼朋友去陪吧....

我有嘗試認識新朋友, 亦有跟他們見過面的, 但并不是每位我都可以說很多話

每次都在聽別人說, 我的心不知飛到哪裡去

我很想很想再更努力說多點話題呀!! 無奈自己認識得太少了........

我知道自己應該要去學點東西, 可以放鬆自己, 又可以認識新事物

但......但我都不知道為什麼遲遲都走不出那一步, 我不知道在擔心什麼.......

我很記得今天我問了爸爸一句 [ 你每天都這樣過, 不會很悶嗎? ]

他答我 [悶又可以怎樣] 我真的不知道如何回應他, 因為自己放假亦是這樣百無聊懶

兩個人在家可以一個早上不說幾句, 我有我玩手機看書, 他有他看風景

每每到了1點, 大家都知道是時候要外去食午飯, 但大家的對話都是很少很少.....

我和他一樣都不愛說話, 但我知道我應該要多點跟他溝通, 但我都是不知道該說什麼,

有時我說了他又不明白, 令到我不如不說了!! 可能久而久之我就變得更不愛說話吧!!

陳曉瑩, 你好討厭呀!!!!! 要怎樣做才好呢!!!!!!

今天晚上約左位網上認識既新朋友-- Tommy一齊打羽毛球

今次係第二次見面, 上次一齊玩bowling

嘩, 我真係好耐冇打羽毛球啦, 對上一次已經係2-3年前既事啦!!

打一個鐘都正呀!! 不過玩左半個鐘都要抖抖, 哈哈哈