琴晚訓的時候其實都覺得有點唔舒服架啦

不過我以為只係有點痛, 訓左就唔會有問題

但成晚都訓得唔好, 又覺得好凍, 好難都訓唔好

肚又痛, 又想嘔喎!! 有感覺自己身體有點熱

到左返工時間, 我本來都唔太願意起身返工架, 因為已經係超級唔舒服啦!!

但自己有覺得應該冇乜問題, 所以都決定返工啦!!

不過真係好辛苦呀!! 行路都比平時慢好多好多!!

仲差d過馬路過得太慢, 架車駛到埋黎先知危險呀!!

返工我做左一陣野, 已經真係唔得啦!! 真係頂唔到啦!!

所以就10點幾就走左, 返黎睇醫生啦!!

睇左醫生, 先知自己真係發緊燒, 38度呀!! @@

朝早其實我冇食到野, 爸爸就幫我去買左個粥比我食

我胃口真係冇乜架, 但要食藥, 先免強食左小小咋!!

之後就成日訓..訓...訓......

呢排真係唔多野做, 每日都好快就完成當日要做既野啦!!

Lunch完我通常都係玩手機咁,

咁岩見到阿Kit好快返黎, 就同佢講2句啦!!

點知講講下就講到Chris, 佢宜家做野真係Hea得好勁呀!!

我叫佢做野佢超唔願呀!! 野都唔想同我講咁!!

我都唔想再比野佢做啦!! 佢整野手上d野就算啦!!

佢每日就只係whatapp, 入洗手間, 睇同一個excel, 都冇乜其他野做!!

唔係阿Kit比d野做, 佢都唔會再問下我地會唔會有野做!!

唉, 請佢個陣話佢係8萬8, 但都不外如是!!

佢好多野都唔記得, 做左幾次, 隔左一段時間, 可能係隔左星期六,日咋,

到左星期一就已經唔記得左星期五做過既事啦!! 咁樣點得架!! OH NO!!

都係唔講佢啦!! 做好自己先^^

 今日係我23歲生日，待登請假同埋爸爸家姐一齊到海洋公園呀！

我地對上一次去已經係2007年既事啦！

反正今日家姐放假，就決定去啦！哈哈

不過最近既天氣麻麻, 琴日仲落雨, 好驚去唔成呀!!!

雖然朝早都感覺天好黑, 好想落雨, 不過始終都冇落得好大雨!!

我地食完早餐9點幾就出發去搭車啦!!

點知.....我地去到港澳碼頭時, 我問爸爸係咪差唔到啦,

佢話下個站就係, 我當然信佢啦!! 點知.....落左車行左一陣先發覺落早左呀

我心情當然唔好啦, 已經遲左搭車, 去到都會好晏, 宜家仲要落錯車!! 真係激死我啦!!

最後咪行去搭返地鐵過金鐘囉

所以我地去到海洋公司時都接近11點幾啦

排隊買飛時, 咁岩我前面個男人都係今日生日架!!

大家都同左對方講[生日快樂]呀!! 開心事終於返黎啦!! yeah!!

我入黎海洋公司唔係自在玩機動遊戲既, 因為屋企人唔玩, 所以都係行下d館, 影下相

但入得黎就一定要坐纜車, 點知排到差唔多到既時候, 竟然話太大風而要停開, 無奈呀!!

全部人就一窩絳去海洋列車到啦, 搞到真係好似去左搭地鐵咁呀!! 超多人呀!!!

今日好多機動設施都冇開呀, 搞到個樂園好靜咁!!

總結今日我都係好開心呀!!

生日願望係乜野呀?? um......我想......

我好想係黎緊呢年可以試下我從未試過既事!!

仲有最重要就係一定要減肥呀!!

願望一定要實現呀!! HAHA

今日同左爸爸去銀座睇逃出生天

間戲院d座位坐到我好唔舒服呀

好矮, 搞到條頸好痛好辛苦呀

不過套電影都幾好睇丫, 又緊張喎!!

GOOD GOOD!!

終於都可以放假啦!!

我等左呢日好耐好耐啦!! 之前返工一直都係坐冇野做,

悶到死呀!!

今日就約左阿姍出西九龍中心行街

我地仲去左打機, 玩太鼓達人tim呀!!

雖然唔係打得好好, 不過玩得超開心呀!!