第2個星期啦!!

情況一樣係咁, 無野可以做到呀!!

又係淨坐, 點解會咁架???

所以好多時間比我諗到底我呢份工既前景到底是好還是.........

呢個星期公司冇野做, 超悶呀!!

成日都淨係坐係度, 超級眼訓呀!!!

所以成日都玩電話呀!!

唉, 幾時先唔駛咁坐呀!!

每日好準時就已經收工啦

今日我特登請假呀!! 哈哈

因為我要去阿姨到整頭呀!! 呵呵呵

但朝早我先去左睇醫生先!!

10點幾已經係到排隊啦!! 要11點幾半先開門呀

好在都唔駛等太耐, 我排第2個, 12點半左右我就睇完啦!!

醫生都話好多好多啦!!要keep住, 哈哈哈

之後見有d時間就係朗豪坊行左個圈, 食埋m記

之後就再去搭鐵過佐敦啦!!

阿姨搵左個金毛仔接我過去!!

我去到就2點8左右, 之後就開始整啦!!

洗頭, 查藥膏, 拉直, 再洗頭, 剪頭.......

坐左我2個幾鐘呀!! 坐到我超攰呀

5點左右終於搞掂啦!! 真係直哂, 令左!! 哈哈哈

p.s. 返工屋企, 爸爸都冇發覺我整左頭, 所以都冇再同佢講啦!! 嘻嘻

6點幾時突然睇到手機話已經掛左8號風

所以我就冇諗住再起身返工啦>.<

朝早9點左右就起身煮野袋,

之後不停聽到電台仍然掛緊

就好開心做自己鐘意既事啦!!哈哈

睇左幾集劇集, 超正呀

天文台就話約2點前後會考慮除下風球

我心諗會唔會正呀, 可以有一日特別假??

1點到就同爸爸去飲茶

點知......天文台突然係1點40分正式講除左8號變3號!!

明明仲有4個字就到2點啦!! 咁就可以唔駛返工架嘛!!

點解要咁樣呀!!真係激死人啦!!

我之後慢慢咁整野, 2點半到先搭車返工!!

我就3點3左右就返工去啦!!

好在唔係好多野做, 做2個鐘左右就可以收工!! 但可惜冇左一日假

今天本來約左阿姍係去打羽球球架

但個天成日都係咁落雨呀!! 又大風喎

根本就打唔到>.<

所以最後就上左阿姍屋企啦!!

佢媽咪都係屋企, 我地就係屋企玩鋤大d

但其實我唔係好識玩, 亦唔係太大興趣既!!

不過我又唔好意思話唔玩喎, 所以就同佢地玩啦!!!

阿姨就教我玩, 不過我都幾蠢架

佢地講好耐我都唔係太明白

我真係打天才波呀!!有咩就打咩

真係唔會諗出左呢張下一張會有d咩影響!!

玩完鋤d同左阿姑玩手機執相game, 超好玩呀!! 哈哈哈