今日約左11點半去洗牙, 我咁耐都係第一次去出面D私家洗咋!!

之前既一次應該係小學時期既檢查啦

我11點20分就去到啦, 當時里面只有1位男人, 我等左一陣先有位姑娘出黎

我簡單登記左D資料就坐係到等啦!

我就係間診所四圍睇下, 見到有張收費表, 我第一次睇唔係好知價

佢寫洗牙(每次) $400 - $700, 我擔心唔知點計每次, 所以就去左問下個姑娘,

好在個姑娘好細心咁答我, 仲叫我唔駛擔心, 通常冇咩特別都係收$400, 我先定D咋!!

終於到我入去啦, 我係超緊張, 訓左係張牀就死揸住張牀個扶手

醫生都好細心咁幫我洗既, 但我就唔多舒服, 仲有D痛呀

醫生最後有教我要點刷牙, 因為我上面最入既2隻牙刷唔到有D黑

仲教埋我用牙線TIM呀!!

最終只係收我$350+2支牙膏+1支牙刷

姑娘仲好詳細咁解釋我D牙既問題, 佢叫我快D解決D智慧齒, 唔係到時痛就麻煩

如果需要就可以出荃灣照X光, 我諗都真係要解決佢啦!! 唉......