應承位朋友要整野食比佢試, 今天終於實行啦!!

一早就起身食完個早餐就先去買左煲甘蔗馬蹄水既材料

因為知道佢原來仲未好返哂, 飲呢個可以潤d, 舒服d

11點開始就整啦, 洗馬蹄切甘蔗都搞左我成個鐘啦!!

12點就開始煲啦!! 點半就完成, 超甜呀!!

晏就去食個lunch就去買整雞翼既材料啦!!

因為我想整香茅雞翼, 所以要先去買香茅, 但其實我唔係好知香茅係點架!! 哈哈哈

好在爸爸帶左我去搵, 嘻嘻

3點幾我就返屋企準備整啦!! 先醃左d雞翼, 我再落左去超市買車厘茄 (用黎做伴菜) 

因為擔心醃既時間唔夠耐, 會冇咩味, 佢就叫我唔駛急, 醃耐些少先整!!

所以我差唔多6點半先開始煎, 金黃色咁, 好吸引架!! 哈哈哈

之後又將幾粒車厘茄加鹽炒下, 咁就完成啦

我就馬上放落個食物盒拎比佢試食啦!! 仲比埋支甘蔗水佢飲!! (請注意, 個樽我早2星期已經開始用水浸住, 唔駛之前陣味影響到怪怪咁)

佢讚有100分呀!! 真係超超超超超超超超超超超超超超開心呀

我會好期待你下次整咩野食比我食架!! 我會記得架!!!!