今日都係9點半就番到中心啦....朝頭早miss林就教我地寫求職信&履歷表....由10點左右打到12點半呀!!!

我本身都有好多字唔識打架嘛....搞到我成日都要問人d字點打...>.<

miss林叫我地寫3個自己最想做既工作..我第一就寫酒店服務員,之後就接待員,最後個個唔記得左係乜呀...

食完lunch就學點介紹自己....miss冇評我呀!!都唔知自己講得好唔好>.<

唉..聽日要去camp呀...勁唔想去呀!!!我班d人好多都係食煙架...佢地好似唔食唔得咁喎....好驚聽日會吸二手煙呀>.<

仲有呀...星期五朝早有模擬面試...有一個真既僱主會黎in我地....

miss又話要着得思文d喎,但我屋企一條裙都冇....都唔知着乜呀>.<仲有話要化下妝喎...我不嬲都唔識呢d野...點化呀?？?

番左成日成個人都散哂呀!!!勁想訓呀....聽日朝早仲話要去元朗既勞工處參觀喎...真係麻煩呀!!!!!