19號下午1點半就番中心等上車....去赤柱大潭篤既營地....

嘩..搭車搭成個半鐘...坐都想嘔呀!!!!

3點左右我地就玩d團體game...有運波啦..行[信心天梯]啦...

玩[信心天梯]個陣我差d成個人向後跌呀...好在d組員有扶下我咋...

但玩呢個玩到隻手好鬼累呀>.<

之後仲要玩咩凌空取物喎....姐係要個人離開地面去把放係自己前面第6個格既物品拎番上黎...

我試左幾次先玩到...但我隻腳就好痛啦!!!

6點鐘就食飯...之後有一陣時間休息就番左上room睇電視...睇到7點就要去行山啦...

呢個行山好似我中一有一次有行山咁上下啦....都係唔俾拎電筒囉...

但我都行哂...不過都有小小驚囉....因為有一道真係十字不見架!!!!

我地行完山都成10點左右lu...番上room睇[味分高下],[勁歌金曲]

11點到就去左洗澡...之後又睇埋[妙心仁心]...我就諗住sleep....

但d女仔係咁傾計..有較到個電視声好大,仲有唔關燈...我訓左一陣3點到就醒左啦....

好在同我同room既3個女仔都係3點半就去訓...我地仲好早就起左身..成6點半...

明明20號既食早餐時間係8點半..都唔知做乜咁早起身!!!!

咁我地咪又睇電視囉..真無聊呀>.<

9點半左右就去左play繩網...個度成2樓咁高...

我玩行交叉繩及凌空獨木橋個陣..我都因為畏高而驚呀!!!

其實我真係唔想架!!!我見人地玩人好開心...以為自己可以唔驚..但原來都係唔得架!!!

我玩呢兩個game都玩左好耐時間呀!!!但d組員好好呀..係咁鼓勵我..叫我加油!!多謝你地呀!!!

玩完就食lunch...之後又搭成個半鐘車番黎中心....差d嘔車浪呀!!!!

番到中心仲要玩埋爬石先走得...好在大家都好合作...4點鐘就完成哂....

嘩!!!真係累到想死呀!!!!聽日仲要面試&下午去到銅鑼灣參觀保險公司....

真係想累死我地呀!!!!訓覺啦!!!!!zｚzzzｚ