最近都好多單呀!!對死我啦!!

有時候我真係對到冇咩心機呀!!!

所以我會hea住做,嘻嘻

不過因為明天我唔返工,所以唔可以太過懶^^

今晚1億幸運兒會誕生,好緊張呀,因為同左d同事夾份玩下=]

晚上9點啦,相信每個香港人都會望住部電視機

唉,我一個都唔中呀>.<

竟然有3個中頭獎,為什麼不是我!!可惡呀

開心呀!!今日又可以放假啦^^

早上見冇乜野做,咪諗住睇下電視會有咩睇啦!!

原來係播緊[神話]

其實我唔太知道佢講乜架!!

只係見到有成龍咋!!

不過唔係好明套戲講明,一時就古代一時就現代

我同爸爸都睇到一舊舊呀!!!哈哈哈

但d特技就好勁囉!

夜晚我同爸爸一齊整左個[古法雞蛋煎餐肉]

好好味呀^^嘻嘻

最近好小野做呀!!

日日返去好似等放工咁!!~

上網又唔可以咁開揚喎

msn又冇乜人可以傾計喎

悶死人啦>.<

今日我特別請左日假,陪爸爸去法院

因為之前爸爸過紅燈俾police見到,

搞到要上庭交錢

我本身諗住入埋去內庭架,點知我一上到去,見到d人好奇怪咁望我,

我就冇陪爸爸啦,我落左樓下等佢

出面又熱到死喎~~~

等左幾個字,爸爸終於搞掂啦,罰左$100

下次過馬路真係要好小心呀!!

千其唔好俾police見到你係紅燈個陣過馬路呀!!!!

整好哂d野都係11點,之後就叫埋家姐一齊出黎屯門行下啦!~~

仲一齊係美心食lunch

平時都唔會係美心到食飯架,因為都幾貴架!!

今日終於食到焗豬扒飯啦!!雖然唔夠細個時好味,但我都好滿足啦!!^^

今日除左係五一勞動節之外,仲係香港第一天實施最低工資$28既日子

其實真係唔知好定唔好啦!!

好既,可能真係可以保障到d工人,

唔好既,可能會俾老闆減工時或者被炒

當然希望每個打工仔都可以得到應有既工資啦^^