3/8:

尋晚點幾鐘民打o黎話妹私自將星期五個training改期又唔出聲,

搞到民o既training plan亂晒!!

我o地本來諗住俾佢帶會好放心o架......,我仲諗住今次可以唔使理佢o地,

點知佢搞左鑊粥出o黎~

佢仲要對民講佢要返工,好似大晒咁~

我深諗你o果份嚴格o黎講只算係一份part time係可以唔返就唔返o既,

況且你一早就應承左人,咁樣算係失約&無信用,

你o既承信度同責任感不嬲都唔係好o架啦,

成日d野要人要哎要西先肯做,我已經一向都就你由得你,

但你呢家俾我覺得你越來越過份囉.......

但講到尾個妹做錯事,做哥哥o既唔多唔少都要幫佢補救下,

咪係尋晚send左個sms出去叫佢o地今日返裘記~

跟住今朝一大清早再打電話俾佢o地confirm返d時間~~~

跟住1030就返左裘記等佢o地,好彩除左家榮之外全部人都返齊~~~~

跟住係唔人齊o既情況下為有做返可以係學校做到o既野~~

最尾陪佢o地練到六點幾........

我覺得好對唔住我d隊員,

因為我o地領袖間出現問題而朝令夕改,

而搞到你o地失晒預算~對唔住!!

我已經對妹你完全再無任何寄望.......

夜晚同榮,Racheal,Pinky+文&文個女人出左去旺角唱K~~

文超冇品囉,我o地已經同佢講左Pinky好易醉唔可以俾佢飲咁多,

文係玩大話骰o果陣仲要係咁玩佢迫佢飲~

我睇唔過眼咪間唔中當文叫到Pinky度o果陣我唔理咁多就係咁開文幫佢頂d~~~

講到文個女人,呢個女人又係d要哎要西o既人o黎,

撩極佢同我o地玩下怎至唱下歌都好呀~~~~佢都唔出聲唔唱~~

唉........完完全全叫錯佢兩公婆出o黎~下次都係唔好,費事俾人話出o黎係應酬我o地......

跟住佢兩個中途走先~

我o地幾個繼續玩,玩到十二點Pinky已經醉醉地,

而我同榮都好累,所以我o地就訓下醒下咁訓左陣,Racheal同Pinky就繼續係度唱~

唱到兩點幾三點佢o地兩個終於都頂唔順~~~~~

本來我諗住送埋佢o地兩個返大埔先再返屋企,

但我實在太累加埋榮無諗過送佢o地,

所以咪送左佢o地去搭車之後同榮去食左少少野就返左屋企,

返到屋企已經四點鐘......

4/8:

今朝訓到9點幾就熱醒左~~~跟住發左個幾兩個鐘頭呆Emily就online,

之後我同佢傾左陣計,我都係頂唔順要去訓左一陣~

下午就返左海濱,返完之後就約左同銘係荃灣食飯~

食完就過左南豐打機,咁跟住俾我o地係金星度撞到叉叉,

佢話我個英英媽媽都係荃灣夜d會搵佢,

咁我o地之後咪約佢o地去食糖水囉~

到左十點幾佢o地打o黎,叉叉就話唔食,媽媽就係度呢樣o果樣要銘又哎又西咁~~~~

又係咁!!!陪我o地食糖水o者,又唔會用好多時間,又唔使你出錢,咪當陪下個你個仔囉~

出咪一句唔出咪兩句囉~~~

唔使次次都係度好似想出又好似唔想出又要人哎咁呀??

我一聽到銘哎左媽媽兩句之後就起火,

我發覺我開始越來越討厭d要哎要西o既人,除左個別一兩個人~~~

今日我見到d野,希望唔會好似我咁諗真係o果樣野o黎啦~~~~