今日8點就俾濤叫醒左 唔知醒添~
好快咁換完衫 就落去OK la~~~
今日去睇戲 去到見到個個都係度 有我 濤 青子 輝爺~
之後就搭輕鐵同西鐵 途中吹下水 到達元朗百老匯 見到臭漢等緊~~
我地睇"蜘蛛俠3" 一開頭超多文戲 好悶 不過都有d笑位 最後先正
2打2 超勁!!睇完就去左食野 行行下決定食kfc 不過我冇錢 原本諗住睇完戲番屋企
所以冇預留多餘金錢~~不過我人緣好 臭漢話請我 而青子同我一樣 但冇人請
哈哈~~~而我都有俾番臭漢10蚊= ="下次先還la!!
我地食左個"咖哩吉烈雞排飯"都ok~~唔錯 途中講下d選科班問題
家下話開多班 d科目亂哂 搞到我之前個plan都亂埋>.<~
食完野之後 去到西鐵 話去臭漢屋企玩 但青子之前約左人踢波
搞到好煩 輝爺又諗住用我名義同佢地講話我叫佢地唔好踢波= ="
將罪名嫁禍於我度 但之後好似用左青子 所以當搭西鐵個陣
青子好似發脾氣 不過我地冇理 仍然講下笑 玩下佢 哈哈~~~
其後就搭巴士去臭漢屋企 我得番5蚊= ="去到佢地就玩winning
我就玩陣ps3 打到超無聊 我就去睇佢地玩winning 無端端青子話玩"Bus Drive"
我好奇想睇下玩咩 開頭以為好無聊la 但我玩上手就上癮咁 當正自己係巴士佬
哈哈~~第一次玩有-2000幾分 猛咁撞車 同衝紅燈= ="而且仲唔識轉線 扣左好多分
玩耐左 知道點玩 但俾輝爺猛咁搞 累到我將臭漢個keyboard架整左出黎
唔係爛左 整番好又做番巴士佬 但係我又整多一次= ="
so sorry呀~~~之後臭漢玩"熱舞" 快到嘔電 我到睇唔到 我懷疑係亂禁
青子就話玩"勁舞" 睇佢玩110 7lv都玩唔到 勁想笑 青子玩咩game都係咁差
佢適合gamemaker多d~~~想當年 我玩"勁舞"都可以玩188 8lv 不過差哂
唔知咩原故 臭漢兩部腦無端端上唔網 之後濤同青子就玩"彈珠台"
佢地係度爭玩 無奈...........~~~~~
青子無啦啦搵電話 仲講左句好搞野既說話 哈哈~~
我地玩到5點幾就走人 我地搭番巴士 之後轉西鐵同輕鐵番屋企
當然車錢問人借= ="番屋企途中 見到個人食完煙就咁掉去草堆
一d公德心都冇 正人渣~~~
番到屋企 食一食d野 睇下電視 上下網 諗住dl隻"Bus Drive"玩不過都係得閒先
我有隻game就爆機 要睇下有咩game好玩至得!!
上緊網個陣 有人add我話聽日踢波 點都要去既~~
聽日唔好又咁早打電話俾我叫踢波 我實行11點先黎~~ | 
