4月11日~距離番學日子仲有4日!!
d功課一樣都未做= ="~尤其是英文 真係掂都唔想掂~~
今日好早就起左身~原因不明 可能就番學想早d習慣早起掛!!
去到11點幾 沖左個涼~~突然有人打俾我 個時我家姐聽~~所以唔知咩事= ="
直到on左先知濤叫我做專題~~原來要番學校問張sir借測分貝機 換好衫後去到學校門口時
見到青輝= =等等下濤黎左la 之後我地兩個去教員室搵張sir~張sir教左我地點樣用部機
操作非常簡單 只係"撻"半柆制(白痴都識用= =")隨後我地由於驚左田田會整爛關係~
所以叫張sir俾埋個箱我地~張sir佢都唔知係昆我地定佢根本就唔知部機既價值~
竟然話部野好貴= ="好彩濤問一問條友 佢話"幾百蚊"................= =
哈哈~唔知點解加埋個箱好似d恐怖分子又或者似d黑手黨交易咁~最衰個時唔係着住老西la= ="
若果唔係加多副"黑超" 我地就真係型爆!!由於個時接近12點 所以我同濤分道揚鑣 佢去食飯 我番屋企~~
當我番到屋企稍為on一on就俾田田既千里傳call call去做專題~係OK等埋濤之後就"飛的"去市中心
原本預計五個人~但個傻仔唔黎 想幫都幫佢唔到 只好零佢la(講笑= =")~~去到約定地點 見到田田同樺等緊
我都唔知佢地咁早叫人出黎做乜~~都未夠鐘就要人出 去到坐係度吹水~~
由於時間尚早所以我地決定行下~之後我地就開始測分貝 收集數據同影相
我地除左測屯門之外 仲要測埋元朗作出比較~~到左元朗做同一樣功作就完成左上半場~
其後就係中埸休息(中場休息時間都幾長下= =")我地由於只得濤佢食左野 其餘都係空肚出黎~
所以第一樣必定會做既就係"食" 去左間檔舖(唔記得左個名= =) d野食都唔錯~~
其後我地去睇戲 睇"戇豆放大假" 都幾好笑 加上佢做得真係好出色 值得一睇~~
睇完之後我地係條街度渾渾噩噩 吹下水 猜下d無聊謎語咁就到左夜晚~~行行下途中突然有座大廈"火燭"
我地梗係湊下熱鬧la~~但因為要做專題關係 所以冇左睇落去~況且得d煙 睇落去都冇癮~~
同樣做相同功夫 搭西鐵番屯門個陣由於唔睇前面行路 又撞到腫左隻腳(差幾吋中個位= =)
番到屯門搵番之前個位都係咁做(唔想重覆再打e句- . -)原本田田話去唱k 但係最後都唔去!!
番到屋企睇電視~睇完"向世界出發"得到好多反思 而且仲識左兩句野~
一句係曾國藩既"打掉牙,和血吞"同"百貨應百人" 兩句都係值得我地去諗諗~~
今日係放假以來第二次活動 不過係做專題= =下星期一番學la~~~~ | 
