今日係青子生日~~
由於青子生日既關係 所以我地去橫台山踢波+bbq~~
都幾多人幫青子慶祝生日~有我 濤 周生 田田 滇 臭漢 青輝 輝爺 雄 康 warner gap熹(成日忘記左佢存在= =)
同埋不嬲都唔出得夜街既周x汭 以及大佬恒 kk 芝樺樺都黎埋~~數一數都有成16個人慶祝青子生日~~
去到約定地點 一個人都冇= ="其實係我早到~~等人當然唔少得就係一包lemon tea(自己喜好= =)
唔知點解個個都好早到 唔使幾分鐘到齊哂!!之後我地夾錢同分工作 位位$40(周x汭除外~哈哈)
我 濤 滇 青子 輝爺負責買野食 去到新墟門口等埋芝樺樺就開始買野la~~~
買完之後 我地搭西鐵去錦上路 途中我地係到吹下水~突然 濤無端端"嘩"一聲
我本能反應即刻望一望 點知原來係kk 引起了全場瞧點~就連坐我地對面既啊叔都難以抗拒這驚心動魄既場面= ="
去到錦上路輝爺出唔到站~~聽佢講話之前跟貼濤(大概內容唔多清楚)隨後我地就飛的去球場~
去到已經見到班友踢緊波~放好d野同換埋條波褲就落場la(個時如果有女經過咁我既形象就...............0.0)
落場就梗係鬥波la~青輝 我 濤 康 周x汭 雄 臭漢VS周生 田田 大佬恒 滇 熹 青子 輝爺
一開波被輝爺一頂入左1:0 隨後我地打左場攻防戰~而且由於場地順風對我地有利既關係~
我地反超前周生 就係電光火石既一瞬間 周生已經帶波到禁區 隨後一扭差不多過哂d後衛~
正當射門時 我隨後殺到 "雙雄相遇 必有損傷"(e句自己腦海無端端諗到= =")最後波冇入
但我同周生隻腳由於互相撞到關係 引起了莫大劇痛~周生更要離場休息 而我則負傷上陣 之後更被輝爺踩左下
個陣痛到好似被電 電落去咁~超痛!!
由於有人跟隊關係~上半場結果7:4 我個隊領先 之後就bbq 今日個火點都起唔到~搞左好耐先得
大風關係成日吹掉d叉叉碗碗~~我地又影下相咁 直到大家都飽la 諗住行番去球場 點知濤叫我幫佢拎水喉
我都未擺好位 佢就放水 d水直頭向住我噴= ="好彩件衫之後都乾番~~
下半場開始~~周生猛烈進攻 更有warner坐鎮 而且逆風關係~開出去個波都被d風卸左d力
造成好大傷害~~雖然已經加強防守 但仍然未能挽救局面~最後被追回平手 然而我卻做左千古罪人
入左烏籠球 變成9:8 隨後更輸左場波~我咁多次烏籠球 我覺得今次非常內疚~唔係因為輸波問題
而係大家盡左力~但卻被我入d唔應該入既波 由於時間尚早關係 我地踢多一場 今次我係周生個隊
但係由於隻腳被多次碰撞關係 已經腫左 行一步都痛~~所以我及早離場 最後周生輸左~~
走個時 d人分開去買野飲= ="之後搭的士番錦上路西鐵站~中途架的士冇氣 以為佢好好人停錶la
點知打完氣後~個錶跳得勁快 無言...............
番到屋企都12點 我搽左d跌打酒 冇咁痛~~
總括:今日都幾好玩 唔錯~~~~
| 
