琴晚就掛左八號強風訊號，岩岩先睇完法證ii，就八號了。今朝仲未改掛三號，所以已經唔洗返去學校幫miss ng手整野了。於是，
就打電話比carmenli睇下可以做d咩。我已經有個解決辦法，又唔肯，係度晒大家既時間。唉……算啦。最後自己搞得掂就好啦，
仲有兩日，我就正式畢業了。真係估唔到，法證大結局既日子，就係我畢業既日子。唉……又無得睇lu。雖然真係覺得有d可惜既，
但係算啦，因為我好重視個畢業禮ga，唔同有d人，寧願自己去旅行，都唔參加畢業典禮，仲要好似被迫，十萬個不願意，假到…
我畢業了。好似一切都過得好快咁。早個星期係琴面發現左一條電話繩，掛住印有兩隻熊貓既金屬牌。一大一細既熊貓，好得意。
應該係一對母女或父女。後面寫住good luck。又諗到放榜，就真係唔知點好，雖然我真係好似成日望住部電腦，但其實我諗緊，
煩緊，我一向都好想成功，但我今次真係唔知做咩，竟然覺得如果我失敗左既話，我既分叉路就唔洗簡，合返埋一齊，不知幾好，
唉，e+ tvb日日幫我倒數緊放榜，愈來愈有壓力，真係"唔該晒"ar！
早幾日睇到報紙，睇到有一個巴籍既小學生比人綁。我都諗返起法證先鋒ii，madam ma個弟弟比人綁果一幕。但都係以為咁岩。
今日睇到新聞，原來果單綁架案係學法證先鋒裡面啊偉既做法，就係受害人係識綁匪既，而且綁匪係綁左人之後，設法親近家人。
等佢d家人唔會懷疑佢個朋友就係綁匪。不過，真係既香港警察既效率真係高好多，警方一介入，綁匪一打個電話，已經比人知左。
唔洗有人傷，又搞勁多次咁。不過d綁匪就猖狂好多，一知道有警方既介入，就已經想撕票。真係…不過多得佢咁心急去通知撕票，
果個巴籍小學生先無事，如果佢唔係咁狼，就唔會比警方知道。haha。真係得淡笑。
匪登門探案情見警欲撕票 巴童綁架案《法證先鋒II》翻版
無線正播映的電視劇《法證先鋒II》，本周初劇情講述酒樓少東（黃長興飾）遭合伙人（黎諾懿飾）綁架，
主腦犯案後借意親近肉參家人探聽案情，最終被捕。同類情節前日在7歲巴基斯坦裔男童綁架案中上演，
幸現實中的勇探在16小時內閃電破案救人。警方已拘捕5男1女，消息稱，
小肉參的家人曾向人吹噓家境富裕，
疑因此遭相識的同鄉擄走。其中26歲女疑犯在案發後登門探訪，發現警方介入後通知同黨撕票，
奸計被識破，探員及時截車拉人，避過釀成悲劇。
肉參家人曾吹噓家境 料認識疑犯
被捕的6名男女全屬巴基斯坦裔，其中30歲男子疑為主腦，他與26歲女疑犯關係親密，
亦有傳兩人為夫婦關係，而一眾疑犯相信與男童家人相識。遭綁架的7歲男童於西貢區讀書，
父親在中環蘭桂坊區一食肆任職總廚，母親為尼泊爾人。據悉，
男童家人多次向人提及家中很富有，並存有一筆巨款，疑因此成為綁架對象。
知情人士透露，案發於前日上午7時，女疑犯與案中主腦駕車到西貢校巴站誘騙男童登車，隨即把他擄走。
男童父親於同日中午12時接獲綁匪電話，要求繳付20萬元贖金，事主立即報警。
女疑犯肉參家電同黨 警「勾線」監聽
其後女疑犯假裝不知情，到男童家中探訪，見大批警員正在調查，遂躲在暗處致電同黨講述情况，
因形迹可疑惹起探員疑竇，警方遂向她「勾線」監聽。女疑犯離開後多次致電綁匪主腦，遭探員發現，
得知她涉案，歹徒更打算撕票，男童處境極度危險。
至前晚深夜11時，警方情報科探員發現綁匪駕車載男童外出，當賊車途經長沙灣連翔道及東京街交界時，
重案組探員以撞車手段把賊車強行截停，將車內4名男子（18至24歲）揪出按地制服，
在車尾箱救出藏在尼龍袋內的肉參。
受害男童被發現時手腳被綁，不排除因認出綁匪，有人企圖將他殺害。男童送院檢驗後無礙，
事後循秘密通道出院，家人從未繳交贖金。至昨凌晨時分，警方在長沙灣區再拘捕案中主腦與涉案女子，
各疑犯被通宵扣查。
涉案賊車的擋風玻璃貼有傷殘人士標誌，有指事件中一名不良於行的司機被捕，
而該車登記地址為油麻地文英街33至40號文景樓一單位。記者昨日登門造訪，
一名巴基斯坦裔女子以半鹹淡廣東話說：「我3個brothers（兄弟）被人拉。」
但她其後解釋與該3名男子為朋友關係，對案件不知情，亦沒有透露是否有傷殘司機居於上址。
( 本文來源:明報 )
其實TVB既劇集幾有影響性，之前有一套劇集又係，學劇集裡面既人將身份證扔落地下，等警察執。睇黎，警察破案愈來愈易了，
睇下tvb既劇集睇下有無頭緒啦！今朝終於係好短既時間之內整好miss chem chan既野啦！真係意想不到可以咁快，就做完了。
e+真係好煩，我e+竟然倫落到希望自己失敗！唉，睇黎真係要好好地衡量一下了。
今日本來約左carmenli 10:00交收，點知我落到去mtr station打電話比佢，佢竟然話佢仲行緊去杏花村地鐵站lor！
等左佢15分鐘，就好似stidy leave第一日咁，我唔打比佢都唔會打比我話佢遲，一係就前五分鐘先打比我，都唔知點！
之前講開佢仲話我唔等得，話佢識既朋友個個都會遲，好似講到佢地好正常，係我唔正常咁，如果今次唔係有野要佢幫，
我真係唔想等佢。其實人同人溝通真係一種技術，office裡的同事T發生既事，真係令我諗到D野。其實有時，一句話，
就已經比左好大既提示，或者可以話係暗示緊一D野，而呢D野可能係好重要，亦可能人地基本上已經好介意，只不過，
唔擺係塊面，用一D好暗示既方法講。似乎聽唔明呢D暗示既唔只同事T，我亦都感覺到點解咁嬲咁火。不過講到蠢既，
又好似誇張左D，但係，我發現聽人講同事T既時候，我係有少少感同身受。兩個共通點係明示暗示用盡方法，都唔得。
但至於蠢呢方面，咁講又好似唔太好。更加唔好講蠢到加零一。之後睇劇，當中有一個男主角話︰如果我有得簡既話，
我寧願記住人地點樣對我好，而唔係去記住人地點樣對我唔好。咁樣做人好辛苦。究竟，應該點呢？唉……
ching2003111
2008 年 6 月 25 日 星期三 
[ 
