今日早走，諗返起上次同陳思雁一齊，去寶血，劉建豪同穌曉麗睇大門，我同陳思雁傻傻地咁.........

今日返到去，203，就諗住落去搵老黎，係一樓，見到大獅子係staff room後門入左去，係前門出返黎，

都唔知佢做咩，之後係前門出黎，行去盡頭望落去睇d車兩眼，又走返入去.......真係o左咀，佢真係好得閒！

同carmenli同黎sir睇份phy mock，最後我係60/90，ok bor！之後，我地就上返去啦，又見到擦鞋仔，真係....

之後，做做下chem，又落去搵so sir，但又搵佢唔到，之後，上返去溫左一陣書，就去lunch了！

返到去，見到高sir係度睇飯盒，haha！之後，上去203度做，做左一陣，見到大獅子又過度活躍症發作，

上黎2樓，但係走廊行到一半又返返轉頭，真係o左咀.......之後，就做做做bio，miss ng果份中四quiz卷，

之後，就落去搵so sir，之後，又叫我地4:00再搵佢lor！勁麻煩，都唔知佢做咩！一日落去幾十萬次，咁都唔係問題，

而係我地4:00落到去佢竟然唔出黎，叫幾次先出黎lor！激死我！其間，見到account miss ng，之後，傾傾下，

佢發現carmenli都有口罩，之後就彈開勁遠，haha，勁好笑，之後，學校有什麼雞蛋撞地球既活動，

又同miss ng傾左陣，之後，so sir印左份綜合，天日做。走既時候，係校門，又見到大獅子行左出去校門，

左右望兩下，就入返去，真係唔知佢做咩！傻既！

話說，今日真係一d都唔寧靜。東區係唔係有大件事呢？今日見到警察既次數係6次…一日內...真係...........

今日返到學校，做埋琴日未做完既phy mock卷。好專心咁做完之後，就第一個小息了。再做多一陣，

就落去搵左蘇子聰。領返份綜合。之後，我真係覺得我愈來愈唔自然，唔正常，i mean對住佢。勁咳咳咳！

之後，返到上去，就溫多三個字，就出去lunch了！都真係唔錯，我覺得，今個上午，真係過得幾快下......

之後食飯，又係我同carmenli兩丁。同carmneli講開，其實你原來知道的，你都試過有d咁既事發生過，只係....

你好彩，因為果個老師已經走左，你唔會日日都見到佢，而我，就唔好彩，佢未走之餘，仲要成日都見到佢，

而且，I have no choice，我一做親中文，一要搵人改，就一定要係佢。講得岩，有時有d野發生左之後，

心裡面會有條刺，我亦覺得，好似擦膠咁，好多野都唔可以完完全全擦得甩，而又無勇氣，所以面對會唔自然。

我e+真係覺得自己係幾個月之後，竟然有勇氣去見佢，真係好勁ga啦，至於係唔係自然，我都真係控制唔到。

其實嬲人嬲咁耐都真係好累ga，如果可以放得低，我都唔想嬲一個人嬲咁耐，我好想真係完完全全咁放低，

無論邊個都好，我真係好想放低ar！我一路都用唔想見到胡除佬去回應你，但其實唔想見到佢之餘，仲有原因。

我真係好亂......所以先load唔到。至於老鼠，如果佢唔再針對我，我絕對有信心我可以放低。

返到去之後，就落左去搵黎sir對phy mock ans。係staff room出面對，真係有d那個…個個老師經過都望，

兩個中五係度又唔知點解偏要係staff room門口度做野bor！同carmenli一路對，見到miss tam，佢經過，

之後，佢同我地講，我真係佩服你地好勤力，祝你地會考成功。haha！miss tam真係....anyway，幾好丫，

之後，對開一d結論題，正確or不正確，我話︰不正確ar！之後，後面就有一把聲話︰不正確，嚇親我呀！

原來係高sir係度搞搞陣，之後，我同carmenli係度勁笑笑笑！之後，同carmenli入左101b，繼續對ans，

之後，上返203領野，一出101門口就撞到擦鞋仔，再出到去就見到男童軍個IC，又諗起琴日......真係o左..

之後，落到去，入番101，擦鞋仔同另一個女miss係度，入到去101b，聽到擦鞋仔係度勁大聲鬧人lor！！

我未見過佢咁大聲.....之後，carmneli話要紙巾，而我又想搵唔知食完飯未既黎sir，就一定要出去啦！唉....

我都唔知點解係果一刻有d淆，但最後都係出左去。其實，出左101b，係101裡面，我覺得幾尷尬的，

因為佢地仲鬧緊個男子，而我又出去，我見到劉建豪啤住我，勁淆，上完203落返101，劉建豪已經走左，

好彩。再對對對phy，加埋黎sir比番既分係55分，都ok啦！之後返上去做bio，做完之後，落staff room。

交比miss room。叫miss ng第一次，唔出黎，第二次，佢衝出黎，問左一句︰邊個搵我！之後，我比左佢，

佢勁快領左之後，入返去staff room。嚇死我！

之後，又唔會點解有勇氣，自己一丁去左小西灣福建，就係小西灣運動場對面，我諗返起sports day既野，

今日同琴日發生既野，有d奇怪既感覺......我為探知將來而去，但回憶過去而回。

今日如常返學校，之後，上203，五分鐘之後，我叫carmenli一齊落去搵黎sir。carmenli又未得bor，

我就話我自己落去先啦！carmenli話︰祝你好運！但我又覺得，問老黎，自己一個走去問，佢之後先join我地，

又好似怪怪地，所以，就叫carmenli快d，一齊落去。之後，carmenli話，你仲催我，我祝你唔好運ga！

但點知，之後所發生既野，真係好似比佢講中左lor！一齊落去搵老黎，佢話過多陣先搵佢，過多陣之後，

我地就落去搵佢la，之後，又見到老鼠lor！我真係無野好講，之後，佢又發顛啦，佢又好話我唔打招呼lor！

佢真係有d精神病ga！佢既理論係，要一致性，唔可以自然選擇，我懷疑佢有讀account同bio lor！

不過我真係好唔明白點解我同佢係同一種生物lor！我病，喉嚨痛又話我搵借口，佢都痴線ga，你夠料既話，

你米同我抽血睇下我血液裡面有無感冒菌既抗體lor！你知道我對其他人唔係咁，你都應該諗下點解啦，檢討下啦，

都唔會係因為你樣衰既，雖然你個樣都真係幾衰下，都唔係幾，差不多世界之最果隻，但係我係唔會因為咁，

而對你唔同！本身你已經針對我ga啦，開始針對我果頭幾個月，我都無野ga，係sports day之後，我真係撐唔住，

你好明顯玩緊針對lor！你針對我既話，亦都唔好怪我對你同對其他人唔同lor！因為你自己都係咁對我！

之後對琴日的phy mock，ok bor，34題！之後，上返去，溫多一陣，就去左lunch！then，又返去了！

勁見到擦鞋仔lor！見到佢幾次，真係黑到爆！之後，做左少少bio，就同陳c雁，carmenli，藍藍，kitty，

傾左一陣，就返去了！雖然我知道係咁呻係無用既，但係又真係要呻下先會覺得開心。