今日係考bio既日子，琴日勁溫溫溫，真係訓唔到，好辛苦ar！係床上勁諗野，

都唔係訓覺既......今朝，勁溫bio，我真係好少返到學校仲溫緊ga！用盡全力，

務求背晒d notes佢，之後，早會，一開咪，就係擦鞋仔lor！！！真係想飛筆記！

佢真係好多廢話！又叫我地收筆記，又排好隊，又唔見第二個老師恂咁講！

就算真係咁講過，感覺上都無咁煩，無咁反感。講左成5分鐘同類既話，終於收聲la！

之後miss ng過黎check我錶！好彩有帶。LQ，好難，基本上唔係有溫notes就識，

又叫我地背notes，都唔係既！break，問miss ng，有一題估岩左，雖然係咁，

我都真係好擔心。mc，真係唔難，好易，好快就做晒！之後去lunch，再返學校。

之後同carmenli同poon poon係canteen溫P.A，一路食，一路溫，感覺唔錯。

之後溫溫下，見到大獅子，行為勁奇怪，首先去到籃球場，之後倍迴左一陣，以為佢傻傻地，

之後，又再出現多一次，就走左，之後，同carmenli同poon poon上去問miss ng P.A，

竟然係接待處見到佢傾電話，仲要鬼鬼祟祟！真係好難唔懷疑佢做緊d咩唔見得光既事！

再溫多一陣，就同poon poon走左lu！

今日考maths，返到去，溫溫下，又見到大獅子！不過今日好左少少，

事因佢終於肯換過套衫la！再溫左d公式。睇返補習本notes，有少少回憶。

補習教issue2既時候，我可以話係我中五生涯最快樂既時候，每個星期六，

補完習之後，我都會同my mum and dad去食pizza hut，果個幾月，

真係好開心ga！每次我都會領著本notes，去pizza hut食野。到左星期日，

都會去飲茶，行果個海旁，真係好舒服ga！仲有一d回憶，去睇展覽等等……

諗到展覽，就會激發起我既原動力。因為，我真係想達成我既夢想，雖然，

only dreaming，但係都想試試。

集隊，許sir分享，我覺得佢既分享真係唔錯，我記得佢講瘧一句話，我真係聽。

我見你成功過，我見你失敗過，但係我無見你放棄過。就係呢一句，

我覺得有一種力量叫我努力，真係好勁！maths LQ先，甲部真係好易ga！識！

乙部，本來好灰，因為題題都好似唔係好識，一題計利息，a par要證明，又證唔到，

第二題概率，又唔係好計到，第三題，圓，個圓心計極都計唔到，好灰！

但係我真係唔可以放棄，不斷禁禁禁部機，利息果題就解決到！之後延續呢份信心，

繼續做！結果係我努力之下，概率同圓果題都終於計到！果一刻真係好開心，

好有成功感！好想笑出黎！雖然呢份卷應該唔會係最高分既，但係比到最多既信心同成功感我。

小息，一落到去，就見到擦鞋仔lor！真係無野好講！之後break左一陣，又上返hall！

考maths mc，都ok淺！但最後果5分鐘，果個蕭啟堯入左黎lor！之後仲幫手收卷！

仲要收正我地班！本案都無乜野，但佢收我份題目既時候踢到我張台，我又諗返起果次！

佢真係....咁都要黑面！我真係想踩爆佢隻腳！

lunch之後，考中文oral！等等等，等左好耐，足足一個鐘，就去左考朗讀，回讀左！

係盧劍良考.......唉，又無晒信心！之後，準備左一陣，就考！個題目，都幾時事feel下，

就係將短片比電視台播，我既立場，當然唔讚成la！我真係覺得好賤ga！但我無理由咁講ga，

所以就不斷攻擊！講左好多野！之後極快返home，唉，天日bio la！

今日返學校基本上就係做果個考評局某個唔計分既測試，所以，無溫過書。

eng難過學校果d，中文淺d，兩份卷，雖然自己口講話唔會認真做，

但係其實最後都有認真做ga...唔錯。break一陣，派返bio份premock。

84/100 幾好。黎天恩一睇到我份卷，爆左一句，痴線ga你....我真係想講一句︰

我有溫姐....之後同ar草出去行下....唔想局住係hall，之後，又見到大獅子，

果套衫.....我見到佢著不下20日了！之後又見到陳xx，之後，同ar草勁講bio，

避過左佢。haha！maths無心機做，果份心已經無左。之後，又係講ive，

我真係唔想報呢！完全無諗過呢個出路。不過對於陳xx果個眼神，真係好難頂lor！