今日又係返學校溫習！今日，9:00準時見到carmenli，好好！天日都要係咁啊！

之後一齊返去，未見kitty。一開始，係度做bio long question，有d唔識做，落一樓！

問左miss ng，超好笑。走既時候，見到黃sir，就等佢出黎，搵佢解mock。一路等，

去左101。期間見到大獅子同人上p.e堂，見到佢train班男人。d人又踢足球。好似好開心。

大獅子超大聲，我係一樓都聽到佢講乜野。等左超耐，之後終於黎啦！首先解mock LQ，

都ok bor！之後就mc，我39/54，我覺得ok bor！haha！又解左一陣，臨上昤既時候，

佢就印左st.pual con.既maths mock比我同carmenli做，真係幾好啊！雖然係英文，

但係我都會做，之後做左一陣，就同carmenli同kitty出左去茶軒食lunch。超relax！！

去到茶軒，開心地lunch！一齊出去食飯既感覺真係唔錯。自成一角，佢地係度玩手提電話，

其實果度d野都真係幾好食bor！apple green tea，幾好飲！因為約左黎sir解mock，

所以要某時候先返去，行左一陣，就返去啦！坐左canteen一陣，就上去搵黎sir了。上到去，

佢話未改好，於是走啦，係1073見到miss tam，就走過去同佢傾左一陣，佢話我eng作文ok，

有d開心，上返去，bio有一個類似quiz既物體進行。最後，我係17/22，雖然唔係最高分，

但我自己覺得比mock好左。之後解果份叫做類似quiz既物體，有一題miss ng話我good point。

但我又記錯野，又唔識畫針筒，激死我！carmenli，你要努力！我仲好記得我中四開始既時候，

bio我唔會好得過你，我進步既時間係個幾月，所以你仲有時間！贈你一句︰請相信神比你既能力。

之後，bio有一份mc做。

e+要做maths mc and bio mc了！

今日係study leave第一日，同carmenli返學校溫書。一朝早，勁早起，勁多時間，

所以又聽左903，之後，就去chai wan，等等等，等左好耐，佢遲左15分鐘ar！

希望天日佢唔好咁遲la！一齊返去，要簽到，之後，就經過有蓋操場，有人上緊p.e堂lor！

之後，老黃人見到我，係度xxx！真係！好討厭lor！！！之後，上左去203溫習，

做左一陣bio，之後，又問，第一個小息既時候，落去搵miss ng，佢叫我地一齊對卷，

之後，入左101對，好低分ar，得64分！之後，miss ng話我會考好果狀態好既話，B到！

其實我一路對，都唔滿意個分ga，雖然係咁，但有一題滿分，同埋miss ng話good point！

之後，我真係好擔心ga，諗左好耐，正確D應該話BIO呢樣野係我既腦裡面逗留左好耐。

同CARMENLI去吉野家食飯，都係靠呢個時候relax，又真係幾開心bor！幾relax到ga！

之後一路飲住杯野，一路行返返去，行近校門既時候，見到大獅子同人上緊p.e堂，玩籃球！

佢地上緊堂，我先返去！haha！之後，上返203，又溫多陣，e+溫chem lu！！勁做mc，

不過，有星期五既經驗，為左防止飯氣弓心既情況出現，每隔一陣，就出去行一陣，效率高d！

之後見到黎sir，同佢約時間，話後日既，之後，又散散步。返去睇返schedule，原來唔得！

因為果日要有english 2007 listening，但又唔係完全唔得既，只不過無咁好lor，算啦………

又做多一陣，之後，又出去散心。呢次，我又見到黎SIR，就同佢講，點知比我得左，佢得！

所以其實幾開心，果日lunch唔洗咁趕！正！

好不容易，黎到5:30，高sir終於肯解答我地對於chem既問題，講左好耐，最後，6:10先走。

同carmenli走，問左什麼叫杯酒釋兵權。真係好好笑ar！去到籃球場，又見到大獅子同排球隊練習，

呢次，解答左我心中既疑問！

今日係星期六，朝早係屋企hea左一陣，真係無乜野好做.....睇下書咁.....果本咁既書，chem，

真係....之後出左去北角補習，教左writing同reading，但我覺得同學校果d有少少分別，感覺唔同。

開始記返起mock exam paper one B既時候，果個題目，不過可惜，我作文永遠唔會高分既.....

所以仍然繼續努力聽聽聽，做做做，寫寫寫。之後去海皇買左個粥，之後返上O。見到mimi未走，

哈哈！之後我又hea下，聽下903，903果個廣播劇真係幾好聽bor！唔錯，有果一種氣氛，relax到。

之後再過去英皇上maths，見到芷芷！上堂既時候，wilson問左一個問題，[香港既首都係邊度ar？]

之後佢話將軍奧。因為將軍奧有個新樓盤，名叫首都。如果人地問你住係邊，你可以話︰我住係首都。

真係O晒嘴。上完maths，係toilet度，見到lam lam，佢又係補習的....e+都真係幾多人補ga bor。

之後就去左坑口，好快地搵到，行左tease一陣，食左d野，幾好味！一路行，一路食，感覺唔錯！

上一次我去坑口，係新年既時候，我覺得上次熱鬧好多，今次人流少左，又無左之前新年果種氣氛，

不過，總好過無得行！其實我好想去times sqare，果度可以勾起我好多回憶。行左一陣之後，去睇書，

我睇左一d什麼最後一鐘同埋maths，phy，chem，bio既exercise。不過我都係覺得，e+呢個時候，

係米應該做past paper多過做果d咁既exercise呢？所以睇完就算.....

之後衝出商場，出左去搵野食，行左一陣，見到一間小學，個校舍真係有d以劉永生。可能都係新校。

都唔知點解，出去食飯都諗起學校，做乜野ar！最後去左果間耶林閣食飯，我發現我去錯地方食飯ar！

事因裡面超間，等野到既時候差d就訓著左，就係我訓著果一刻，野食到！ 真係唔想食，想訓多d！