琴晚都幾夜先訓，所以，今日起身既時候，一d都無訓醒既感覺，仲唔知做緊乜，

朝早聽903，聽到西琦小姐話會考戚一個社會恐嚇，我覺得，的確，考果一刻，

有壓力，我e+都感受到，但係唔考又唔知有咩意義姐..不過，我e+覺得自己傻左，

唉，明明食緊早餐都要諗埋d咁既野，但之後一路食，一路都仲係諗緊呢個問題。

究竟係我問題定係其實個個都係咁既呢？今日，又要去補習lu！又係星期六！！！

去補習，都係想成績好d姐，我都真係想會考既maths phy chem bio都c到ga，

但我e+努力緊既係英文！琴日去圖書館，仲要借左本exercise做，都想博高d分。

e+做左三個passage，覺得開始容易，但係d題目我仲係未克服到，要努力啊！

今個星期係考完mock後第一個星期六，其實我諗緊補完習之後出唔出去食飯好，

其實應該溫多d書，但其實鬆一陣都無咩問題？最衰都係高sir啦，講咩姐！！

搞到我e+唔知點......可能自己既要求太高了！真係要放鬆返d。

今日一朝早就開電腦睇下圖書館幾點開，本來約左poon poon 8:45分等既....

但係之後發現圖書館係10:00先開，所以，我就打電話比佢啦，點知，無人聽wor.....

我以為佢未起身，就算la，之後打佢手提，又係無人聽，但幾分鐘之後，佢就打黎la！

之後佢話9:00bor，就9:00la！我執下野，簡jacket，都唔知著邊件好，簡下簡下，試下試下，

都唔知時間，之後，就著左藍色，不過我未試過簡得咁求其，算啦，出門口，但我覺得好熱...

有d後悔用咁多時候簡jacket，倒頭來，唔著都一樣....

meet左poon poon，之後因為又係太早，所以，係維園度行行行，行左一陣，有花卉展，

之後，行入小徑，見到手球場，又諗起CLT既時候，已經好耐之前既事，但自己偏偏記係心裡，

因為我果陣真係好開心！見到個像，諗起第一次CLT去維園操，Christine係果度，真係好好笑！

好可惜，今日既維園同平日有d唔同，因為果個咁既展覽.....之後行到9:30，就去左圖書館等。

上到去，真係好認真咁做左03年past paper，成日想落去行下，睇下書，但又未做完。

好快就決定去食lunch了，同poon poon去左最近既D記食，真係幾開心bor！一齊食野！

好似無乜邊次咁好，可以同佢一齊食！有一種好relax既感覺，頭先既辛苦都係值得既，滿足下自己！

食完之後，又上返去四樓，再做past paper，做mc。有d唔識做，前面果d可以好易，

後面果d可以好難，而且又飯氣弓心，真係用左好耐時間去做ar！又想出去行下，又做得果三十幾題，

之後快d做晒，對埋ans，32/54，都唔知c唔c到，不過好似進步左少少，都好ga la！

落去睇書，借書又還書，之後就同poon poon返去，又行多次維園，唉.....仲係牽掛著幾年前既事...

今日係最後一日既考試，係考english oral，因為我係第二場，所以10:30先返。

約左poon poon9:45返，我都覺得太早了，所以落左mtr之後，去左新翠行左一陣先返。

但係估唔到原來果個商場d shop咁遲都未開，10:00都係得果幾間開左，點做生意ga...

行行下，見到有d人竟然考完左，走得果隻！仲可以去kfc食野tim！！但我先返緊去.......

行左10min就返去lu.....返到去之後，行下行下，見到高sir係一樓經過，我係紅磚。佢示意我過去，

之後佢叫落黎，問我lam lam走左未，我幫佢check左之後，就上左去一樓，佢又問，

charmine同karin走左未，我話未，之後就落左canteen了！之後佢同左我講mock既野，

佢話佢改晒la，我係66/90，有可能c到，又有可能c唔到，都係係中間，其實就咁睇個分，

我以為自己退步，有d唔開心，但係之後計返如果100分做滿分，我就有73.3分，退步左0.7分！

如果咁睇，又真係唔覺得退步好多bor！

之後上202，等考eng oral，siu sir派左準考証。勁多人都勁興奮，係度對有無同學一樣地點考。

之後，siu sir勁叫我地收埋張準考証，唔好咁興奮等等既說話。又話我地好嘈，不過真係既....

有個唔知乜水既助教，佢真係好煩lor！過黎勁多次，又叫我地收埋d準考証，但我地都無收到，

之後，佢話你地係唔係唔識聽ga...跟住charmine講左一句，抄返落去都有罪ar？佢又發表偉論，

又話蕭sir叫如果再唔收就抄準考証，又話如果真係要抄ar，你地都唔好受la！佢真係好煩lor！！！

我同好多同學對左，無一個一樣，除左charmine。除左我account，佢art之外，全部都一樣！

我真係o左嘴！過左一陣，佢又過黎，我地入緊schedule，佢又叫我地收埋張準考証lor！

之後我講左句，佢聽到，就話，有d咩意見就直接同我講！我真係頂佢唔順lor！真係又勾起我既回憶！

除左回憶之外，佢真係好討厭！我終於搵到一個人討厭過擦鞋仔la！我係度等等等，尾2果批，

考既時候勁多dead air！至於one min response，都ok既......終於考完lu！仲有hkcee ar！

carmenli要入黃竹坑考，去我clt果度！仲有PTS出面果間！不過，其實都幾好丫！黃竹坑，

都唔係好遠姐，我寧願入黃竹坑好過大坑！