今日係study leave第一個星期既最後一日，如常返school，carmenli又遲到，平時都無事，

但今日，我真係唔想佢繼續遲落去，所以同佢講話自己各自返去，佢應承左我星期一唔會再遲到！

返去，平安無事，之後，就坐係酒店(即203)做bio。做做做，之後，miss ng上左黎，有mock 5。

我第一時間領左一份mock，但無即時做。繼續做我做開既野。之後，做完bio06mc，就break左陣。

同carmenli落staff room找黎sir，之後，係一樓，又見到擦鞋仔lor！琴日係一樓就勁見到大獅子，

今日見唔到佢，就見到擦鞋仔，真係無野講！我發現好多時我一落staff room，都見到d我唔想見到的人。

再上去做chem mc，到到11:45，就開始出去食飯lu！同c雁，kitty，同carmenli。

出去食飯既時候，係成日最開心既時候，最relax既時候。第一次同c雁一齊lunch，佢地個個都食得好快。

唯獨我，最慢。我之前仲要話過kitty食野好慢，但結果我仲慢過佢呢！haha！真係要食返快d！

返到學校，見到黎sir，就話去做實驗。haha！之後，上到去，就做左bio既mock 5。計時︰一小時內完成。

我發現我非常討厭lunch後入去203做野，所以走左出去做，琴日因為咁而見到大獅子，今日，1:10前無事，

佢地上堂後一陣，擦鞋仔又經過lor！我仲要係抬頭一望，就見到佢果隻！雖然我相信佢應該無過度活躍，

但今日又成日見到佢lor！用左45分鐘做完份bio mock 5。但呢份好難ar！真係無咩信心，又唔識做，

之後check check下，miss ng就黎左。對左ans，得41題！做得真係幾唔好下lor！退左6題，

因為琴日係47題的。之後，等左 一陣，就對ans了。又有兩題係ans錯，但係原本自己岩。所以，係43題。

之後，同林婉怡and poon poon去左staff room問maths，真係o左lor！見到大獅子之餘，又見擦鞋仔！

之後，林婉怡話︰又加一了！我同意。問ar良數，見晒d我唔想見到既人，大獅子，擦鞋仔，黃老婆！

之後上返去hotel(203)，唔夠兩分鐘，又同高sir落左去107，解左04年chem mc。之後返返上去，就走了。

我討厭我解釋比你聽，我唔想用果個比喻，你就話我敏感！我更討厭你次次都係咁，唔直接d你都唔知咩事。

你想繼續既話，請不要再遲到。黃老鼠真係好賤lor，我真係睇唔過眼啦！我開始懷疑佢有無專業操守，

係唔係一個適合做教師既人，我完全唔覺得佢係哺乳動物lor！因為哺乳動物晁恆溫動物，血是熱的，

但佢d血，不論係夏日寒冬，都係冷的，是恆冰動物。簡單d講句︰唔係人！

p.s︰c雁----------高級程度生物！haha！

今日好唔知點講，早左返去，但carmenli又遲，變左早得少左。一返到學校，未去到203，

已經見到大獅子！之後，落去找黎sir，對左mc。但我mc做得唔係好好，得24/45，真係麻麻，

之後問完之後，上番去。做左一陣maths，之後，再落去問過第二次phy。之後，就同kitty unch。

去左吉野家，食食食，之後，又返去，得返9個字，做bio mc，佐課室係抖唔到氣，所以，

就出左去做。點知，做做下，又見到大獅子lor！help！之後繼續做做做，終於係半小時內做完。

之後又做一陣bio，等miss ng上黎，之後，對ans，arm左47題，佐我因為見到大獅子既關係，

連續錯幾題lor！玥落staff room，見到大獅子勁多次，不下5次，一日內bor！

林婉怡都有同感。haha！之後，見到大獅子又係107出面鬧人lor！仲要佢係勁火果隻。

又話講一套，做一套。真係...佢真係過度活躍的。

話咁快，今日就係study leave既第三日，今日如常9:00返去，本來行天橋都無乜野既，

但係一去到下面，有一塊大樹葉跌下，差d整到我條頸，真係只差1秒就中，真係嚇都嚇死我！

呢一下，好似律政英雄第九集，一開始雨宮被人由高空擲物，差d中果下咁。好彩我差d中既係樹葉，

如果唔係我真係以為同人有仇。之後行多兩步，去到過馬路既位置，當我地仲距離幾步既時候，

突然間聽到有人尖叫bor，我第一時間諗，有人比車撞到，我無著制服，係唔係應該唔理佢呢？

但之後行多幾步，又唔係有人比車撞bor，一切正常，唔知做乜......再睇真d，原來有一個男人，

正在踩死一隻活生生的老鼠，而果隻老鼠既面積大約係果個男人既鞋底。我見著果個男人一路踩，

佢用盡全身既力，隻爭扎中既老鼠的尾巴不斷大力擺！真係好恐怖ar！！ 直情係想嘔 tim ar！

好不容易先返去學校，203裡人數無太大變化，見到佢返到去先做我琴日勁辛苦做果份mc，有d無奈。

之後高sir上左黎，我問佢領野做，佢就同我落左去教師圖書館，借左chem 04份past paper比我做。

做做下，miss ng上左黎，同我去對琴日份mc同埋講grade，我份mc得42題，不過佢話我會考B or C。

又比左手提number miss ng。至於chem，有39題，ok bor！之後又係度溫溫溫，又諗起果隻老鼠！

之後就出去行下啦，點知果個黃老鼠係度lor！又見到佢！激死我啦，更加要出去行下，否則，死左！

之後又溫多一陣，就出左去lunch了。又係去返茶軒，但係黎天恩因為琴日太貴，所以就發脾氣，唔食。

唉，我又做錯決定了！sorry。之後返到去，想搵miss ng，點知係staff room，搵唔到miss ng之餘，

仲要見到擦鞋仔！激死我啦！之後，去左eng quiz，都唔知做乜，又唔係做得好好，唉，做乜野ar！

之後再搵黎sir，因為我同carmenli約左佢，之後，搵唔到佢，搞到要上六樓的phy lab搵下佢，唔係度，

就落返去啦，點知就見到佢啦。見後台人士一齊，同左佢講，佢話因為要開學生會之meeting，so唔得。

佢話天日請我同carmenli食野，haha！之後，我同carmenli就靈活運用地搵左黃sri解琴日果份maths。

去左101，開門開window，因為果間咁既101，中一都唔係未試過，係裡面係要做缺氧呼吸的。勁局！

之後一路解解解，因為我個位如要望住黃sir就要望住門口，我望到大獅子成日行過，但101係頭房，

無咁容易經過。但佢又成日莊下莊下，勁煩lor！

study leave呢三日，我都覺得無晒既，雖然比較辛苦，但係我enjoy。我係度諗下，覺得203呢間房，

好似酒店。因為一無野做就入203自己溫，一要問野就落一樓，所以一樓好似office。haha！

返home，臨走，差d唔記得簽走，簽既時候，係度話跟程序做野，haha！之後見到果隻黃老鼠lor！

有幾個中一跟著佢，個個都好似唔太開心，而黃老鼠又好似有d面色，九成九都係佢又發顛啦！佢好賤ar！

因為有一個中一係我做收生組helper既時候睇著佢入黎，所以感受特別深！但我覺得黃老鼠真係好賤lor！

佢鬧中一，係今年內，我唔係第一次見到lor！上次係107我仲有見到係一個男仔，即係應該唔係佢教啦！

仲要搞到人地喊！人地喊緊，佢仲係度鬧，佢真係唔係人黎ga！今次都係班中一，不過係女仔，又中招！

應該係比佢帶緊上107，我望著果個面善既中一，心裡面說，祝你好運，因為佢唔係易應付的。唉...可憐！

黃老鼠係唔係真係咁鐘意恰班中一ga？佢地係arm arm入黎姐，就比你蹂躪到咁樣，好慘ga！

我之前已經覺得佢同其他老師有d分別ga la！只係e+更知道，係讀ive，真係差好遠，佢自己坎坷，

竟然要將自己既怨恨發洩係學生身上，仲要係細個果d，真係唔係人黎ga！